LUKAS 8:8 - KITTA KAREBA MADECENG

⁸ Iyakiya engkato biné teppa ri tana macommo'é, natuwo sibawa powassélé' buwa leppe' wékkasératu.” Puranana nacurita pakkalarapangengngéro, makkedani Yésus, “Rékko mappunnaiko daucculing, éngkalingai!”

LUKAS 8:8 ပူးပေါင်းရင်းမြစ်များ

KAJAJIYANG 26:12

Mamponi biné Ishak untu' mallaonruma ri wanuwaéro, sibawa iyaro taungngé lolongenni wassélé leppi wékkasératu polé ri iya naampoé, nasaba Puwangnge barakkakiwi.

AMSAL 20:12

Daucculingngé untu' maréngkalinga sibawa mataé untu' makkita, iya duwanna Puwangnge pancajiwi.

AMSAL 8:1

Engkalingai! Mangobbi-obbii apanréngngé, naakkai saddanna pangissengengngé.

YEREMIA 13:15

Umma Israélié, Puwangnge pura mabbicara! Aja' Mumatempo, éngkalingai Aléna!

YEREMIA 25:4

Matteru-teru towi Puwangnge suroi lao ri iko sining nabié ata-atan-Na, iyakiya dé' mumaélo méngkalingai sibawa jampangiwi mennang.

MATIUS 11:15

Rékko mappunnaiko daucculing, éngkalingai!

MATIUS 13:23

Na biné iya teppaé ri tana macommo'é maddapangengngi tau iya méngkalingaéngngi iyaro karébaé sibawa napahanna. Mabbuwai mennang maéga, engka sératu, engka enneng pulona, na engkato leppe' wékkatelluppulo wassélé'na.”

MARKUS 4:20

Sibawa biné iya teppaé ri tana macommo'é sinrupai sining tau iya méngkalingaéngngi iyaro karébaé sibawa natarimana, makkébuwani mennang maéga, engka telluppulo, engka enneppulona, sibawa engka leppe' wékkasératu wassélé'na.”

MARKUS 4:23

Rimakkuwannanaro, rékko mappunnaiko daucculing, éngkalingani!”

MARKUS 4:8

Iyakiya engkato teppa ri tana macommo'é. Iyaro biné tuwoi, namancaji maloppo nainappa mabbuwa, engka leppe' wékkatelluppulo, engka enneppulona, sibawa engkato sératu.”

MARKUS 7:16

Jaji, rékko mappunnaiko daucculing, éngkalingai.]”

LUKAS 14:35

Dé'na gaga gunana, muwi untu' dare'é iyaré'ga untu' pappakacommo. Jaji riyabbéyang bawang. Rékko mappunnaiko daucculing, éngkalingai!”

LUKAS 8:15

Biné iya teppaé ri tana macommo'é sinrupai tau iya méngkalingaéngngi iyaro karébaé, sibawa natarona ri laleng atinna iya makessingngé namalempu. Mattahangngi mennang narapi powassélé' buwa.”

LUKAS 8:7

Engkato biné teppa ri tengngana alekale' maddorié. Iyaro alekale' maddorié tuwoi silaong iyaro biné, sibawa nalimpenginna angkanna dé' naulléi mabbuwa.

EFESUS 2:10

Idi iyanaritu winrunaki Allataala, nanaolai Kristus Yésus, nabentu'ki Allataala kuwammengngi naripogau' gau'-gau' iya makessingngé iya puraé napassadiyangekki.

KOLOSE 1:10

Nanallalengiwi muwulléi tuwo situru élona Allataala, sibawa tuli pésennangiwi atin-Na, angkanna ri laleng sininna séuwa-séuwaé muwulléi powassélé' gau'-gau' iya makessingngé. Sibawa pangissengemmu passalenna Allataala tattamba towi matu.

WAHYU 13:9

Rimakkuwannanaro, rékko mulléi maréngkalinga, éngkalingai iyaé birittaé:

WAHYU 2:11

Nigi-nigi mulléi maréngkalinga, sitinajai napénessai aga iya napowadaé Rohna Allataala lao ri jema'-jema'é! Mennang iya pakalaé, dé' sises-siseng matu nanrasa-rasa agi-agi ri amaténg iya maduwaé.”

WAHYU 2:7

Nigi-nigi mulléi maréngkalinga, sitinajai pénessaiwi aga iya napowadaé Rohna Allataala lao ri jema'é! Mennang iya pakalaé, Upalaloi matu manréi buwa polé ri pong atuwongngé iya tuwoé ri laleng Tammenna Allataala.”

WAHYU 3:13

Nigi-nigi mulléi maréngkalinga, sitinajai napénessai aga iya napowadaé Rohna Allataala lao ri jema'-jema'é!”

WAHYU 3:6

Nigi-nigi mulléi maréngkalinga, sitinajai pénessaiwi aga iya napowadaé Rohna Allataala lao ri jema'-jema'é!”