LUKAS 8:7 - KITTA KAREBA MADECENG

⁷ Engkato biné teppa ri tengngana alekale' maddorié. Iyaro alekale' maddorié tuwoi silaong iyaro biné, sibawa nalimpenginna angkanna dé' naulléi mabbuwa.

LUKAS 8:7 ပူးပေါင်းရင်းမြစ်များ

KAJAJIYANG 3:18

Alekale sibawa dori napowassélé tanaéwé untu' alému, sibawa tanet-taneng liyaé mancajiwi matu inanrému.

YEREMIA 4:3

Makkedai Puwangnge lao ri pabbanuwana Yéhuda sibawa Yérusalém, “Jamai tanamu iya dé'éppa narijama; aja' muwampo biné ri onrong natuwoiyé tanet-taneng maddori.

MATIUS 13:22

Biné iya teppaé ri tengnga-tengngana alekale maddorié maddapangengngi tau iya méngkalingaéngngi iyaro karébaé, iyakiya bata-batai passalenna atuwonna mennang sibawa macinnai magello atuwo-tuwonna. Rimakkuwannanaro iyaro karéba polé ri Allataala tassipii ri laleng atinna mennang angkanna dé' nakkébuwa.

MATIUS 13:7

Engkato teppa ri tengngana alekale maddorié. Iyakiya alekale maddorié tuwoi sibawa nalimpengiwi iyaro cura'-cura'é angkanna dé' naulléi mabbuwa.

MARKUS 4:7

Engkato biné teppa ri tengngana alekale maddorié. Tuwoni iyaro alekale maddorié nanalimpengiwi iyaro cura'-cura'é angkanna dé' naulléi mabbuwa.

LUKAS 21:34

“Jagaiwi alému, aja' lalo mutuli mappésta-pésta sibawa ménung énungeng maserié, iyaré'ga tuli pikkiri'i passalenna atuwommu, angkanna dé' musadiya wettunna polé iyaro Essoé temmusenna-sennai.

LUKAS 8:14

Biné iya teppaé ri tengngana alekale' maddorié sinrupai tau iya méngkalingaéngngi iyaro karébaé, iyakiya bata-batai passalenna atuwonna mennang enrengngé macinnana tuwo massennas-sennang sibawa napojinna ri laleng linoéwé. Iya manennaro sipii mennang angkanna dé' napowassélé' buwa iya matasa'é.

LUKAS 8:6

Engkato teppa ri onrong mabbatu-batué. Wettunna massu cura'-cura'na iyaro biné, makelle'i nasaba marakkoi tanana.

LUKAS 8:8

Iyakiya engkato biné teppa ri tana macommo'é, natuwo sibawa powassélé' buwa leppe' wékkasératu.” Puranana nacurita pakkalarapangengngéro, makkedani Yésus, “Rékko mappunnaiko daucculing, éngkalingai!”