LUKAS 8:54 - KITTA KAREBA MADECENG

⁵⁴ Nainappa nakkatenninni Yésus limanna iyaro ana'é sibawa makkeda, “Oto'na na'!”

LUKAS 8:54 ပူးပေါင်းရင်းမြစ်များ

YEREMIA 31:32

Iyakiya iyaro assijancingngé dé' napada-pada assijancing iya Uwébbué sibawa toriyolona mennang wettunna Udulung mennang massu polé ri Maséré. Namuni pada-pada-Ka séddié lakkai untu' mennang, iyakiya nassakkarengngi assijancik-Ku sibawa mennang.

MATIUS 9:25

Massunana sining tauwéro, muttama'ni Yésus ri laleng bili'na iyaro anana'é nanakkatenningngi limanna. Natokkonna iyaro anana' makkunraié.

MARKUS 1:31

Nalaona Yésus ri matuwa makkunrainna Simon, nanakkatenningngi limanna, nanatulungngi moto'. Soroni semmenna, nanatumaningiwi mennang.

MARKUS 8:23

Nanakkatenninni Yésus limanna iyaro tau butaé nainappa narénréng massu ri saliweng kota. Nainappa namméccui Yésus matanna iyaro tauwé. Napalénne'i liman-Na ri matanna tauwéro, nainappa makkutana ri tau butaéro, “Engka mullé mita makkekkuwangngé?”

MARKUS 9:27

Iyakiya nakkatenningngi Yésus limanna sibawa natulungngi moto'. Naoto'na iyaro anana'é.

LUKAS 8:51

Lettu'nana ri bolana Yairus, dé' napalaloi Yésus muwi séddi tau muttama' sibawa aléna sangadinna Pétrus, Yohanés, Yakobus sibawa indo' ambo'na iyaro ana'é bawang.

LUKAS 8:53

Nacawa-cawaini mennang Yésus, nasaba naissenni mennang maténi iyaro ana' makkunraié.

LUKAS 8:55

Lisuni nyawana iyaro ana'é, na iyatoro wettué naoto. Purairo nasuroni Yésus mennang mpéréngngi nanré iyaro ana'é.

YOHANES 11:43

Purana makkeda makkuwaro, gorani Yésus sibawa sadda battowa, “Lazarus, assuko!”

YOHANES 5:21

Iyaro Ambo'é napaoto'i tau maté, sibawa nawéréngngi mennang atuwong tongengngé sibawa mannennungengngé; makkuwatoro Ana'é Nabbéréyangngi atuwong mannennungengngé lao ri tau iya maéloé nawéréng atuwong.

RIWAYA'NA RASUL-RASUL-E 9:40

Nasuroni Pétrus massu maneng mennang, nainappa makkaluttu massempajang. Purairo mangobbini ri ujuna Dorkas nakkeda, “Tabita, oto'no!” Natimpa'ni matanna Dorkas, na wettunna naita Pétrus, tudanni.

ROMA 4:17

Saba' makkeda makkuwaiyé Allataala lao ri Abraham, “Purano upancaji ambo' untu' maéga bangsa.” Makkuwaniro Allataala mabbéréyangngi iyaro jancié lao ri Abraham. Namateppe'i Abraham lao ri Aléna. Aléna ritu Allataala iya patuwoéngngi tau maté; Alénato Allataala iya makkedaé bawang nanaébbui aga iya dé'é naengka mancaji engka.