LUKAS 8:47 - KITTA KAREBA MADECENG

⁴⁷ Naissenni iyaro makkunraié makkedaé riissenni pangkaukenna. Jaji laoni sibawa ténré nasuju' ri yolona Yésus. Nacuritani ri yolona sininna tauwé, magi nagéssai Yésus, sibawa majjappana lasana iyatoro wettué.

LUKAS 8:47 ပူးပေါင်းရင်းမြစ်များ

MAZMUR 2:11

Assompano lao ri Puwangnge sibawa métau,

MAZMUR 38:9

Ancuru'ka sibawa acappureng pakkulléng, maddarékéka nasaba mausé atikku.

MAZMUR 66:16

Poléni sibawa éngkalingai, éh sininna tau mateppe'é, ucuritai matu aga napogau' Allataala ri aléku.

YESAYA 66:2

Sininna alangngé iyanaritu ébbu limak-Ku, na sininnaro ripancajiwi. Iyakiya iya Upojiyé iyanaritu tau iya mariyawa atié, iya sesse'éngngi dosa-dosana, iya métaué sibawa mapatoé ri Iyya.

HOSEA 13:1

Riyolo ripakalebbii suku Efraim angkanna narékko engka parénta polé ri sukuéro, métau suku-suku laingngé ri Israélié. Iyakiya madosai suku Efraim nasaba massompai Baal, rimakkuwannanaro lennye'i matu.

HOSEA 5:3

Uwisseng maneng sini-sininnaé passalenna alému, éh Israélié! Dé' namakkullé murahasiyangeng séuwa polé ri Iyya. Massompako barahala sibawa dé'na mumatinulu lao ri Iyya. Rimakkuwannanaro, sining taummu dé' nasipato'na sompa-Ka.”

HABAKUK 3:16

Métau atikku méngkalingai iyaro sibawa ténré témukku. Mancaji malemmaka dé' pakkullékku, ajéku tabbuttu, muwi kégika joppa. Maélo-Ka mattajeng sibawa tennang pahukkungenna Allataala lao risining paggasaé.

MATIUS 28:8

Mapperi-perini iyaro sining makkunraié salaiwi tampungngé. Nasibawang pappénedding métau sicampuru' marennu; lari-larini mennang untu' powadangngi iyaro gau'é lao ri ana'-ana' gurunna Yésus.

MARKUS 5:33

Iyaro makkunraié iya missengngéngngi aga pura kajajiyang sibawa aléna, ténréni sibawa métau suju' ri yolona Yésus nangakui manengngi.

LUKAS 8:46

Nakkeda Yésus, “Iyakiya engka tau géssaka. Uwisseng saba' engka awatangeng massu polé ri Iyya.”

LUKAS 8:48

Nakkeda Yésus lao ri makkunraiéro, “Ana'-Ku, nasaba mateppe'ko ri Iyya, majjappako. Laono sibawa salama'.”

RIWAYA'NA RASUL-RASUL-E 16:29

Méllauni lampu iyaro kapala tarungkué nainappa lari muttama', naténréna suju' ri yolona Paulus sibawa Silas.

1 KORINTUS 2:3

Wettukku sibawakko, malemmaka sibawa ténréka nataro tau.

2 KORINTUS 7:15

Makkekkuwangngé pédé' namaséiko, saba' naéngngerangngi pékkugiko iya manenna maélo turusiwi pappimpinna sibawa pékkugiko tarimai sibawa pakarajai enrengngé mapatoiwi.

FILIPI 2:12

Rimakkuwannanaro, Saudara-saudara iya upojiyé, pékkugiko tuli matinulu lao ri iyya wettukku engka ri tengnga-tengngamu, na lebbi-lebbipi makkekkuwangngé ri wettu sibélangngé, sitinajako matinulu lao ri iyya. Purani ripassalama'ko ri Allataala rimakkuwannanaro akkuragano matteru kuwammengngi namancaji sukku asalamakemmu. Pogau'i iyaro sibawa mappakaraja enrengngé mapato lao ri Allataala,

IBRANI 12:28

Rimakkuwannanaro, sitinajaki mattarima kasi lao ri Allataala, nasaba tarimaki polé ri Aléna séuwa akkarungeng iya dé'é nawedding taggoccang. Sitinajaki mattarima kasi sibawa massompa ri Allataala sibawa mappakalebbi enrengngé métau, situru cara iya naéloriyé muto Allataala.

1 SAMUEL 16:4

Napogau'ni Samuél pada-pada iya napowadaé Puwangnge. Wettunna lettu ri Bétléhém, sining pamimping kotaé duppaiwi sibawa maséleng nenniya makkutana, “Aga apolénna Bapa' tiwii asalamakeng?”