LUKAS 8:46 - KITTA KAREBA MADECENG

⁴⁶ Nakkeda Yésus, “Iyakiya engka tau géssaka. Uwisseng saba' engka awatangeng massu polé ri Iyya.”

LUKAS 8:46 ပူးပေါင်းရင်းမြစ်များ

LUKAS 5:17

Riséuwaé esso wettunna Yésus mattengngang mappagguru, engka siyagangngaré tau Farisi sibawa guru-guru agama tudang kuwaro. Poléi mennang ri Yérusalém, sibawa ri kota-kotaé ri Galiléa enrengngé Yudéa. Akuwasanna Puwangngé engkai ri Yésus untu' pajjappai sining tau malasaé.

LUKAS 6:19

Sininna tauwé makkuragani untu' karawai Yésus, nasaba engka akuwasang massu polé ri Aléna iya pajjappa manengngéngngi mennang.

LUKAS 8:47

Naissenni iyaro makkunraié makkedaé riissenni pangkaukenna. Jaji laoni sibawa ténré nasuju' ri yolona Yésus. Nacuritani ri yolona sininna tauwé, magi nagéssai Yésus, sibawa majjappana lasana iyatoro wettué.

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.