LUKAS 8:41 - KITTA KAREBA MADECENG

⁴¹ Napoléna séddi tau, kapalana bola assompangngé ri onrongngéro. Asenna Yairus, suju'ni ri yolona Yésus naéllauwi sibawa masero kuwammengngi nalao Yésus ri bolana,

LUKAS 8:41 ပူးပေါင်းရင်းမြစ်များ

LUKAS 13:14

Macaini iyaro kapalana bola assompangngé, nasaba mappajjappai Yésus ri esso Saba'é, rimakkuwannanaro makkedai lao risining tauwé, “Engka enneng essona untu' majjama; poléno ri esso-essoéro untu' mappajjappa, aja' na ri esso Saba'é!”

LUKAS 17:16

Nasuju'na sibawa mattarima kasi ri yolona Yésus. Iyaro tauwé séddiwi tau Samaria.

LUKAS 5:8

Wettunna naita Simon iyaro, suju'ni ri yolona Yésus, nainappa makkeda, “Salaika Puwang! Saba' tau madosaka!”

LUKAS 8:42

nasaba séddi-séddinna ana' makkunrainna iya seppuloé duwa taung umuru'na céddé'pi namaté. Wettunna Yésus joppa lao ri bolana Yairus, sining tauwé redde'i Yésus polé tulili.

LUKAS 8:49

Ri wettu mabbicarana mupa Yésus, engkasi séddi tau risuropa polé ri bolana Yairus. Makkedai lao ri Yairus, “Maténi Puwang ana' makkunraitta. Aja'na tasussaiwi Bapa' Guru.”

YOHANES 11:21

Nakkeda Marta lao ri Yésus, “Puwang, ébara'na engkaki kuwaé Puwang wettuéro, tentu dé' namaté ana' buranéku.

RIWAYA'NA RASUL-RASUL-E 13:15

Puranana nabaca Kitta'na Musa sibawa Kitta'na Nabi-nabié, iyaro sining pamimpinna bola assompangngé nasuroni tauwé makkutana lao ri Paulus sibawa sellao-sellaona, “Saudara-saudara, rékko engka pangajana saudara untu' sining tauwéwé, tapalettu'ni iyaro pangajaé.”

RIWAYA'NA RASUL-RASUL-E 18:17

Natikkenni mennang Sosténés, kapalana bola assompangngéro, nabarasa'i ri yolona mejang pengadilangngé. Iyakiya Galio dé' sises-siseng napaduliwi gau'éro.

RIWAYA'NA RASUL-RASUL-E 18:8

Iyakiya Krispus, kapalana iyaro bola assompangngé sibawa sininna kaluwargana mateppe'i lao ri Puwang Yésus. Na maégato tau Korintus laingngé méngkalingai biritta iya napalettu'é Paulus, namateppe'na mennang lao ri Yésus nainappa ricemmé.

RIWAYA'NA RASUL-RASUL-E 9:38

Yopé dé' namabéla polé ri Lida. Jaji wettunna sining tau maccowériyéngngi Yésus ri Yopé naéngkalinga Pétrus engka ri Lida, suroni mennang duwa tau lao ri Pétrus sibawa pasengngéwé, “Apperi-perino lao mai.”

WAHYU 5:8

Ri wettu kédo makkuwannaro iyaro Ana' Bimbala'é, tassulunni iya eppa mahlu'é enrengngé iya duwappulo eppa pamimpingngéro ri yolona. Tungke'-tungke' mennang makkatenning kacapi enrengngé mangko' ulaweng iya mallise'é kamennyang, iyanaritu sining paddowangenna umma'na Allataala.