LUKAS 8:40 - KITTA KAREBA MADECENG

⁴⁰ Wettunna Yésus lisu ri liweng tappareng, masennanni sining tauwé duppaiwi nasaba ritajengngi ri mennang.

LUKAS 8:40 ပူးပေါင်းရင်းမြစ်များ

AMSAL 8:34

Masennangngi tau iya méngkalingaékka iya tungke esso-essoé tudang mattajeng ri sumpang bolaku, sibawa majjaga-jaga ri gerbang onronna.

MATIUS 9:1

Ménré'ni Yésus ri laleng lopié, nanalléttoiwi tapparengngé, nalisu ri kampong assalen-Na.

MARKUS 12:37

Jaji rékko nateppui Daud iyaro Arung Pappassalama'é ‘Puwang’, pékkugi wedding Aléna wijanna Daud?” Masennanni tau maégaé iya engkaé ri Bolana Puwangngé méngkalingai Yésus mappagguru.

MARKUS 5:21

Lisuni Yésus ri liweng tappareng. Ri liwenna tapparengngéro, maéga tau polé makkatulung mattulilingiwi Yésus.

MARKUS 6:20

Saba' purai Hérodés nasuro tauwé jagaiwi madécéd-décéng asalamakenna Yohanés ri tarungkué, nasaba métaui ri Yohanés. Naissengngi Yohanés séddiwi tau iya makessingngé iya risuroé ri Allataala. Na mémeng rékko mabbicarai Yohanés napojito Hérodés méngkalingai, namuni maséssa senna'i nasaba iyaro.

LUKAS 19:48

iyakiya dé' nalolongeng laleng untu' pogau'i gau'éro, nasaba sininna tauwé matteru-terui méngkalingai, sibawa tattaré'i ri ada-adan-Na.

LUKAS 19:6

Mapperi-perini Zakhéus nonno nanaduppaiwi Yésus sibawa marennu.

LUKAS 5:1

Riséuwaé wettu, tettongngi Yésus ri wirinna Tappareng Génésarét. Maéga tau siredde-redde untu' méngkalingai karéba polé ri Allataala.

LUKAS 8:39

“Lisuno namuwabbirittangngi aga pura napogau' Allataala lao ri iko.” Nanalaona iyaro tauwé mappaissengengngi ri kotaé, aga pura napogau' Yésus lao ri aléna.

YOHANES 5:35

Iyaro Yohanés pada-padai lampu malluwa'é sibawa iya mattaparengngé cahaya. Untu' wettu iya dé'é namaitta masenna'ko tarimai cahayanaro.

RIWAYA'NA RASUL-RASUL-E 10:33

Iyanaro saba'na umasitta suroi tauwé lao mobbiki Puwang. Namakessing ati tongekki Puwang, natalao kumaiyé. Makkekkuwangngé maddeppungekki kuwaé ri yolona Allataala untu' méngkalingai sininna iya nassurowangngé Allataala ri Puwang untu' mupowadakki.”