LUKAS 8:32 - KITTA KAREBA MADECENG

³² Ri seddéna onrongngéro engka maéga senna' bawi iya mattengngangngé makkinanré ri émpenna bulu-bulué. Iyaro roh-roh majaé naéllauwi sibawa masero lao ri Yésus kuwammengngi na ripalalo muttama' ri laleng sining bawiéro. Nanasitujuini Yésus.

LUKAS 8:32 ပူးပေါင်းရင်းမြစ်များ

1 ARUNG-NGARUNG 22:22

Nakkutana Puwangnge, ‘Pékkugi carana?’ Nappébali iyaro roh-é, ‘Maéloka lao mébbui sininna nabinna Ahab mabbellé.’ Nakkeda Puwangnge, ‘Makessinni, pogau'ni iyaro, muwulléi matu palécéi.’ ”

AYUB 1:10

Tuli Mulinrungiwi aléna, kaluwargana sibawa sininna asugirenna. Mubarakkakiwi jama-jamanna sibawa Muwéréngngi maéga olokolo, genne untu' pennoiwi sininna wanuwaé.

AYUB 1:12

Namakkeda Puwangnge lao ri Ibillisi', “Makessinni, pogau'ni agi-agi lao ri sininna asugirenna Ayub, assaleng aja' mupeddiriwi!” Nalaona Ibillisi' polé ri yolona Puwangnge.

AYUB 2:6

Namakkedana Puwangnge lao ri Ibillisi', “Makessinni, pogau'ni agi-agi lao ri aléna, assaleng aja' muwunoi.”

MAZMUR 62:11

Aja' muwaddennuwangiwi wassélé appassangngé, sibawa aja' muwattuwangngi barang rirappaé. Mala rékko tattambai asugiremmu, aja' naddeppé atimmu ri aléna.

YESAYA 65:4

Ri wennié laowi mennang ri gowa-gowaé sibawa kuburu'é untu' méllau pangaja ri waliyalaé. Manréi mennang juku bawi sibawa ménung duro juku iya harangngé.

YESAYA 66:3

Iyakiya iyaro bangsaé napogau'i siyélo-élona mennang; masennangngi mennang massompa sibawa cara iya mappakacciddi-ciddi'é. Untu' mennang dé'gaga assilaingenna: makkarobangeng saping lai sibawa makkarobangeng tolino, makkarobangeng ana' bimbala sibawa rettoi ellonna asué; makkasuwiyangeng gandong sibawa makkarobangeng dara bawi, mattunu kamennyang sibawa massompa dato-dato.

ANGIMANGENG 11:7

Aja' muwanré bawi. Iyaro olokolo'é harangngi, nasaba namuni mapuwé'i kanukunna, dé' natuli malléro.

MATIUS 7:6

Aja' muwéréngngi barang mapaccingngé lao ri asué, kuwammengngi iyaro asué dé' nagiling luruiko. Aja' muwéréngngi mutiyara bawié, kuwammengngi iyaro bawié dé' naléjja'-léjja'i iyaro mutiyaraé.”

LUKAS 8:31

Iyaro sining sétangngé naéllauwi sibawa masero kuwammengngi dé' naripaddésu' ri Yésus lao ri laleng Balorang Amaténgngé.

LUKAS 8:33

Nanassuna iyaro roh-roh majaé polé ri tauwéro nanauttama ri laleng sining bawiéro. Nainappa iyaro sining bawié larini nanaluppe polé ri wiring balorangngé muttama' ri tapparengngé, natallemme.

YOHANES 19:11

Nappébali Yésus, “Rékko Allataala dé' nabbéréyangngi iyaro akuwasangngé lao ri puwang, dé' sises-siseng puwang tappunnai akuwasang lao ri Iyya. Rimakkuwannanaro tau iya mabbéréyangngék-Ka lao ri puwang, lebbi battowai dosana naiya puwang.”

1 YOHANES 4:4

Iyakiya Ana'-ana'ku, appunnangennako Allataala. Purani mucau nabi-nabi palsué, saba' Roh iya engkaé ri iko lebbi makuwasai naiya roh iya engkaé risining tau iya appunnangenna linoéwé.

WAHYU 20:7

Cappunana wettu sisebbué taunro, rileppessangngi matu Ibillisi' polé ri tarungkué,