LUKAS 8:31 - KITTA KAREBA MADECENG

³¹ Iyaro sining sétangngé naéllauwi sibawa masero kuwammengngi dé' naripaddésu' ri Yésus lao ri laleng Balorang Amaténgngé.

LUKAS 8:31 ပူးပေါင်းရင်းမြစ်များ

AYUB 1:11

Iyakiya akkalarapanna sininna asugirennaro Muwalai, pasti matterui tanroi-Ko!”

AYUB 2:5

Akkalarapanna Mupeddiriwi watakkaléna, mattentuni matterui natanroi-Ko matu.”

MATIUS 25:41

Nainappa makkeda matu iyaro Arungngé lao risining tauwé ri seddé abéyo-Na, ‘Addésu'no jahanam! Uttama'no ri laleng api iya dé'é nawedding peddé, iya puraé ripassadiya untu' Ibillisi' sibawa malaéka'-malaéka'na!

LUKAS 8:28

Wettunna naita Yésus, gorani nainappa suju' ri yolona Yésus sibawa mangobbi, “Yésus Ana'na Allataala Iya Pommatanré! Maélo-Ko magaka? Uwéllauwi aja' mucallaka!”

LUKAS 8:32

Ri seddéna onrongngéro engka maéga senna' bawi iya mattengngangngé makkinanré ri émpenna bulu-bulué. Iyaro roh-roh majaé naéllauwi sibawa masero lao ri Yésus kuwammengngi na ripalalo muttama' ri laleng sining bawiéro. Nanasitujuini Yésus.

ROMA 10:7

iyaré'ga, ‘Nigana matu nonno ri linona tau maté?’ (bettuwanna makkai Kristus ménré polé ri amaténgngé).”

WAHYU 11:7

Puranana mennang nappallebbangeng birittanna, olokolo' iya massué polé ri pepping amaténgngé méwai matu mennang. Nacaui matu mennang sibawa naunoi mennang.

WAHYU 17:8

Iyaro olokolo'é engka naengka natuwo riyolo, iyakiya makkekkuwangngé dé'na natuwo. Cinampe'pi nassu matu polé ri pepping amaténgngé enrengngé nalao matu mattuju ri abinasangngé. Sining tau iya tuwoé ri linoé riwettu dé'napa naripancaji linoé iya asennaé dé' nariyoki ri laleng Kitta'na Tau Tuwoé, iyaro sining tauwé hérangngi matu rékko naitai iyaro olokolo'é. Saba' iyaro olokolo'é engka naengka natuwo riyolo. Makkekkuwangngé dé'na natuwona, iyakiya maéloi mompo paimeng.

WAHYU 19:20

Na iyaro olokolo'é ritikkenni silaong nabi palsué iya mébbuéngngi sining anu makalallaingngé ri yolona olokolo'éro. (Nasibawang sining anu makalallaingngéro iyaro olokolo'é bengnguwangngi sining tau iya mappunnaiyé tanrang olokolo'éro, sibawa sining tau iya sompaéngngi dato'-dato'na olokolo'éro.) Nainappa iyaro olokolo'é sibawa nabi palsuéro riyabbéyang tuwo-tuwo ri laleng tasi apié iya malluwa'-luwa'é sibawa balérang.

WAHYU 9:11

Mappunnaiwi arung iya paréntaéngngi, sibawa arunna iyanaritu malaéka' iya tanggung jawakiyéngngi balorang amaténgngé. Asenna ri laleng basa Ibrani iyanaritu Abadon; sibawa ri laleng basa Yunani Apolion (iya bettuwannaé “Pakkasolang”).