LUKAS 8:30 - KITTA KAREBA MADECENG

³⁰ Nakkutana Yésus lao ri tauwéro, “Niga asemmu?” Nappébali iyaro tauwé, “Asekku ‘Legiun’,” – saba' engka maéga sétang muttama' ri laleng aléna.

LUKAS 8:30 ပူးပေါင်းရင်းမြစ်များ

MATIUS 26:53

Muwasengngiga dé' Uwulléi méllau tulung ri Ambo'-Ku, namasitta matu kiringngi lebbi seppulo duwa pasukang tentara malaéka'?

MATIUS 4:24

Iyaro karébaé passalenna Yésus mallebbanni risininna wanuwa Siria, angkanna maéga tau lao ri Aléna. Natiwii mennang sining tau iya nakennaé maddupa-rupang lasa, sibawa maddupa-rupangngé asussang: sining tau atama-tamangngé roh maja, malasa maté manu'-manu'é, sibawa iya péso'é napajjappa manengngi Yésus.

MATIUS 8:29

Massui mennang polé ri gowa-gowana tampungngé nanagora, “Eh Ana' Allataala, maélo-Ko magaki? Maélonoga sissaki namuni tenniyapa wettunna?”

MARKUS 16:9

Tuwonana Yésus polé ri amaténgngé, maéléni ri esso Aha'é, bunge'-bunge'i nappaitangngi Aléna lao ri Maria Magdaléna. (Polé ri Maria énnaro engka naengka Yésus napassu pitu sétang.) Laoni iyaro sining makkunraié ri Pétrus sibawa sellao-sellaona, nainappa nacurittang sibawa marippe sininna iya puraé ripaissengiwi lao ri mennang ri kalloloéro.

MARKUS 5:9

Nainappa makkutana Yésus ri aléna, “Niga asemmu?” Nappébali iyaro tauwé, “Asekku, ‘Legiun’ – saba' maéga senna'ki idi'é!”

LUKAS 8:2

Makkuwatoro siyagangngaré makkunrai iya puraé ripajjappa polé ri roh majaé sibawa lasaé. Iyanaritu Maria iya riyasengngé Magdaléna (pitu sétang pura ripassu polé ri aléna);

LUKAS 8:29

Iyaro tauwé makkeda makkuwairo nasaba Yésus suroi iyaro sétangngé massu polé ri aléna. Biyasani rikuwasai ri sétangngéro, angkanna muni risiyo limanna kuwaéttopa ajéna sibawa ranté nenniya rijagainna tonget-tongeng, naulléto pettuiwi iyaro ranté nainappa ritiwi ri sétangngéro ri padang kessi'é.