LUKAS 8:3 - KITTA KAREBA MADECENG

³ makkuwatoro Yohana, bainéna Khuza, pegawé saorajana Hérodés; Susana sibawa maéga mupa makkunrai laingngé. Nanabantui mennang Yésus sibawa ana'-ana' gurun-Na sibawa ongkoso' aléna.

LUKAS 8:3 ပူးပေါင်းရင်းမြစ်များ

1 TAWARIKH 29:14

Iyya sibawa ra'ya'kué sitongenna dé' aga-aga naullé mabbéréyang lao ri Iko, nasaba iya manenna iyanaritu pabbéré-Mu na aga iya riyabbéréyangngéwé iyanaritu appunnangem-Mu towi.

YESAYA 23:18

Laba sibawa saro iya nalolongengngé dé' matu nataroi, iyakiya nakkasuwiyangengngi matu lao ri Puwangnge. Sining tau iya sompaéngngi Puwangnge napakéi matu iyaro dowié untu' melli anré sibawa pakéyang iya napparelluwangngé mennang.

MATIUS 14:1

Iyaro wettué, Hérodés, panguwasana wanuwaé ri Galiléa, naéngkalingani passalenna Yésus.

MATIUS 14:3

Saba' riyolonaro purani nassurowang Hérodés tikkengngi Yohanés sibawa siyoi enrengngé puttama'i ri laleng tarungkué. Napogau'i Hérodés iyaro, nasaba Hérodias, bainéna silessurenna, iyanaritu Filipus.

MATIUS 14:6

Wettunna Hérodés ramé-raméiwi esso ajajiyanna, ana' makkunrainna Hérodias séréi ri yolona tau engkaé hadéré'. Naiyaro séré-séréna napésennangi senna'i atinna Hérodés,

MATIUS 2:11

Muttama'ni mennang ri laleng bolaéro nanaitai iyaro Ana'é sibawa Maria, indo'-Na. Suju'ni mennang nanasompai iyaro Ana'é, nainappa natimpa onrong waramparanna, nanakkasuwiyangengngi lao ri ana'éro ulaweng, kamennyang, sibawa mur.

MATIUS 20:8

Labunnana essoé, makkedani iyaro punna dare' anggoro'é lao ri mandoro'na, ‘Obbini iyaro sining pajjamaé, namuwajai gajinna tungke'-tungke', mappammulai muttama'é poddimonrié gangka iya bungé muttama'é.’

MATIUS 25:40

Nappébali matu iyaro Arungngé, ‘Issenni: wettunna mupogau' gau'éro, namuni lao risala séddinna polé ri silessu-silessurek-Ku iya kaminang matunaé, mupogau' tonitu lao ri Iyya!’

MATIUS 26:11

Tau kasiyasié tuli engkai ri yelle'mu, iyakiya Iyya dé' utuli sibawakko.

MATIUS 27:55

Engkato kuwaro maéga makkunrai mitai polé mabéla. Iya mennang ritu pura maccowériyéngngi Yésus untu' tulungngi mappammulai polé ri Galiléa.

LUKAS 24:10

Sining makkunrai iya powadangngéngngi iya manennaro lao ri ana'-ana' gurunna Yésus, iyanaritu: Maria Magdaléna, Yohana sibawa Maria indo'na Yakobus, enrengngé sining makkunrai laingngé iya silaongngé mennang.

YOHANES 12:6

Makkeda makkuwairo Yudas tenniya nasaba najampangiwi tau kasiyasié, iyakiya nasaba pangai. Biyasai mala dowi polé ri kas-é iya ritaroé ri aléna.

RIWAYA'NA RASUL-RASUL-E 13:1

Ri laleng jema'é ri Antiokhia engka nabi-nabi sibawa guru-guru, iyanaritu Barnabas, Siméon iya ritellangngé Si Bolong, Lukius polé ri Kiréné, Menahém iya ripawekke'é silaong Arung Hérodés, sibawa Saulus.

2 KORINTUS 8:9

Saba' muwisseng tongeng makkedaé riyamaséi senna'ki ri Yésus Kristus Puwatta: Aléna sugii, iyakiya napakasiyasiwi Aléna untu' apentingemmu, kuwammengngi nasaba akasiyasin-Naro, namusugi.

FILIPI 4:22

Sininna umma'na Allataala ri kotaéwé, utamana mennang iya polé ri saorajana Kaisar, massellengngi lao ri iko.

1 TIMOTIUS 5:10

sibawa kalabba selaku makkunrai iya pogau'éngngi gau'-gau' iya makessingngé, padaénna ébara'na: napawekke'i ana'-ana'na sibawa makessing, masennang tarima tamu-tamu mappéruma ri bolana, natumaningiwi sining tau mateppe'é, nabantui sining tau masussaé, enrengngé napogau'i sibawa mattonget-tongeng sininna rupanna jama-jamang iya makessingngé.