LUKAS 8:29 - KITTA KAREBA MADECENG

²⁹ Iyaro tauwé makkeda makkuwairo nasaba Yésus suroi iyaro sétangngé massu polé ri aléna. Biyasani rikuwasai ri sétangngéro, angkanna muni risiyo limanna kuwaéttopa ajéna sibawa ranté nenniya rijagainna tonget-tongeng, naulléto pettuiwi iyaro ranté nainappa ritiwi ri sétangngéro ri padang kessi'é.

LUKAS 8:29 ပူးပေါင်းရင်းမြစ်များ

MARKUS 5:8

Iyaro tauwé makkeda makkuwairo nasaba makkedai Yésus ri aléna, “Eh roh, assuko polé ri tauwéwé!”)

LUKAS 8:28

Wettunna naita Yésus, gorani nainappa suju' ri yolona Yésus sibawa mangobbi, “Yésus Ana'na Allataala Iya Pommatanré! Maélo-Ko magaka? Uwéllauwi aja' mucallaka!”

LUKAS 8:30

Nakkutana Yésus lao ri tauwéro, “Niga asemmu?” Nappébali iyaro tauwé, “Asekku ‘Legiun’,” – saba' engka maéga sétang muttama' ri laleng aléna.

LUKAS 9:39

Rékko riluruiwi ri roh majaé, tappa gora sibawa matojo watakkaléna angkanna mabbusa bawanna. Iyaro roh-é matteru-terui napanrasa-rasa sibawa dé' namaélo massu polé ri aléna!

LUKAS 9:42

Ri wettu joppana mupa iyaro ana'é lao ri Yésus, iyaro roh majaé naggeppuwangngi iyaro ana'é sibawa napatojoi watakkaléna. Iyakiya nagera'i Yésus iyaro roh-é sibawa napajjappai iyaro ana'é. Nainappa nabbéréyang paimeng lisu iyaro ana'é lao ri ambo'na.