LUKAS 8:27 - KITTA KAREBA MADECENG

²⁷ Wettunna Yésus nonno ri pottanangngé, rilokkaini riséddié tau worowané iya nauttamakiyé roh maja. Iyaro tauwé poléi ri kotaé. Maittani dé' naengka nappakéyang sibawa dé' namaélo monro ri bolaé. Ri gowa-gowaé bawang onrong attampungengngé maélo monro.

LUKAS 8:27 ပူးပေါင်းရင်းမြစ်များ

YESAYA 65:4

Ri wennié laowi mennang ri gowa-gowaé sibawa kuburu'é untu' méllau pangaja ri waliyalaé. Manréi mennang juku bawi sibawa ménung duro juku iya harangngé.

ABBILANGENG 19:16

Tungke' tau iya nakennaé ujuna tau maté riyunoé, iyaré'ga maté riyalé ri dare'é mancaji najisi'i pitungngesso ittana. Makkuwatoro tau géssaé tampung iyaré'ga buku tau maté.

MATIUS 4:24

Iyaro karébaé passalenna Yésus mallebbanni risininna wanuwa Siria, angkanna maéga tau lao ri Aléna. Natiwii mennang sining tau iya nakennaé maddupa-rupang lasa, sibawa maddupa-rupangngé asussang: sining tau atama-tamangngé roh maja, malasa maté manu'-manu'é, sibawa iya péso'é napajjappa manengngi Yésus.

MARKUS 5:15

Laoni mennang ri Yésus, nanaitani tau iya nauttamakiyé onna' roh majaéro tudang kuwaro. Mappakéyanni sibawa makessinni pikkiranna. Namétau manenni mennang.

LUKAS 8:26

Sompe'ni Yésus sibawa ana'-ana' gurunna matteru lettu ri daéra Gerasa ri liwenna Tappareng Galiléa.

LUKAS 8:28

Wettunna naita Yésus, gorani nainappa suju' ri yolona Yésus sibawa mangobbi, “Yésus Ana'na Allataala Iya Pommatanré! Maélo-Ko magaka? Uwéllauwi aja' mucallaka!”

1 SAMUEL 19:24

Lettu'nana kuwaro, naludunni pakéyanna naséré-séré sibawa gora-gora ri yolona Samuél, nainappa léwu ri tanaé mallusu-lusu puppu esso sibawa puppu benni. (Iyanaé assalenna warékkada makkedaé, “Mancaji nabi towiga Saul?”)