LUKAS 8:21 - KITTA KAREBA MADECENG

²¹ Iyakiya makkedai Yésus lao ri mennang, “Sining tau iya méngkalingaéngngi ada-adanna Allataala sibawa napogau'na, iyanaritu indo' sibawa silessu-silessurek-Ku.”

LUKAS 8:21 ပူးပေါင်းရင်းမြစ်များ

MATIUS 17:5

Ri wettu mabbicarana mupa Pétrus, ellung iya macakka senna'é salipuriwi mennang, na polé ri ellungngéro, naéngkalingai saddaé makkeda, “Iyanaé Ana'-Ku iya Uwamaséiyé. Napésennangiwi atik-Ku. Engkalingai Aléna!”

MATIUS 25:40

Nappébali matu iyaro Arungngé, ‘Issenni: wettunna mupogau' gau'éro, namuni lao risala séddinna polé ri silessu-silessurek-Ku iya kaminang matunaé, mupogau' tonitu lao ri Iyya!’

MATIUS 25:45

Nappébali matu iyaro arungngé, ‘Issenni: ri wettunna dé' mumaélo tulungngi sala séddinna tau iya kaminang matunaéwé, bettuwanna dé'totu mumaélo tuluk-Ka.’

MATIUS 28:10

Nakkeda Yésus lao ri mennang, “Aja' mumétau, lao mupowadangngi saudara-saudara-Ku kuwammengngi nalao ri Galiléa; kuwaro naita-Ka matu mennang.”

LUKAS 8:15

Biné iya teppaé ri tana macommo'é sinrupai tau iya méngkalingaéngngi iyaro karébaé, sibawa natarona ri laleng atinna iya makessingngé namalempu. Mattahangngi mennang narapi powassélé' buwa.”

LUKAS 8:20

Na engka séddi tau makkeda ri Yésus, “Pa', indo'-Mu sibawa silessu-silessuremmu Pa' engkai ri saliweng. Macinnai sita Bapa'.”

YOHANES 13:17

Rékko muwissengngi iya manennaé, masennanno rékko mupogau'i.

YOHANES 20:17

Nakkeda Yésus ri Maria, “Aja' mukarawa-Ka, saba' dé'pa Uwénré ri Ambo'é. Iyakiya laoko risining silessurek-Ku sibawa powadangngi mennang makkedaé makkekkuwangngé ménré'-Ka ri Ambo'-Ku sibawa Ambo'mu, Allataala-Ku sibawa Allataalamu.”

2 KORINTUS 5:16

Rimakkuwannanaro, dé'na taangke'i tauwé situru ukkurang tolinoé. Mémeng engka naengka nariyangke Kristus polé ri tolinona, iyakiya makkekkuwangngé dé'na.

2 KORINTUS 6:18

Mancaji-Ka matu Ambo'mu, na iko matu mancaji ana'-ana'-Ku, makkuwaniro adanna Puwang Iya Pommakuwasaé.”

YAKOBUS 1:22

Sitinajako pogau'i aga iya napowadaé Allataala, aja' mumaréngkalinga bawang, angkanna nanallalengiro nabengnguwangngi alému.

1 YOHANES 2:29

Muwissenni makkedaé tuwoi Kristus situru élona Allataala. Rimakkuwannanaro harusu'i muwissetto makkedaé tungke' tau iya tuwoé situru élona Allataala iyanaritu Ana'nai Allataala.

3 YOHANES 1:11

Saudara iya upojiyé, aja' muturusiwi aga iya majaé. Turusiwi aga iya makessingngé. Tau iya pogau'éngngi iya makessingngé, iyanaritu appunnangennai Allataala. Sibawa tau iya pogau'éngngi iya majaé, dé'pa naissengngi Allataala.