LUKAS 8:2 - KITTA KAREBA MADECENG

² Makkuwatoro siyagangngaré makkunrai iya puraé ripajjappa polé ri roh majaé sibawa lasaé. Iyanaritu Maria iya riyasengngé Magdaléna (pitu sétang pura ripassu polé ri aléna);

LUKAS 8:2 ပူးပေါင်းရင်းမြစ်များ

MATIUS 4:24

Iyaro karébaé passalenna Yésus mallebbanni risininna wanuwa Siria, angkanna maéga tau lao ri Aléna. Natiwii mennang sining tau iya nakennaé maddupa-rupang lasa, sibawa maddupa-rupangngé asussang: sining tau atama-tamangngé roh maja, malasa maté manu'-manu'é, sibawa iya péso'é napajjappa manengngi Yésus.

MARKUS 16:1

Labe'nana esso Saba'é, Maria Magdaléna, Maria indo'na Yakobus sibawa Salomé laoni melli rampa-rampa untu' minnyakiwi ujuna Yésus.

MARKUS 16:9

Tuwonana Yésus polé ri amaténgngé, maéléni ri esso Aha'é, bunge'-bunge'i nappaitangngi Aléna lao ri Maria Magdaléna. (Polé ri Maria énnaro engka naengka Yésus napassu pitu sétang.) Laoni iyaro sining makkunraié ri Pétrus sibawa sellao-sellaona, nainappa nacurittang sibawa marippe sininna iya puraé ripaissengiwi lao ri mennang ri kalloloéro.

LUKAS 23:27

Maégato tau maccowé joppa ri munrinna Yésus – ri yelle'na engkato sining makkunrai. Iyaro sining makkunraié nateringini sibawa nawatingi Yésus.

LUKAS 23:49

Nasininna sissenna Yésus, muttama' toni sining makkunrai iya maccowériyéngngi polé ri Galiléa, mabélai tettong mita manengngi iyaro.

LUKAS 23:55

Sining makkunrai iya silaongngé Yésus polé ri Galiléa naccowérini Yusuf sibawa mitai iyaro tampungngé. Naita towi mennang pékkugi ujuna Yésus ripalénne ri laleng tampungngé.

LUKAS 8:30

Nakkutana Yésus lao ri tauwéro, “Niga asemmu?” Nappébali iyaro tauwé, “Asekku ‘Legiun’,” – saba' engka maéga sétang muttama' ri laleng aléna.

YOHANES 19:25

Ri seddéna sallina Yésus tettonni indo'na Yésus, padakkunrainna indo'-Na, Maria bainéna Klopas, sibawa Maria Magdaléna.

RIWAYA'NA RASUL-RASUL-E 1:14

iya manennaro tuli masséddi atiwi maddeppungeng untu' massempajang. Massempajangngi mennang silaong sining makkunraié sibawa Maria indo'na Yésus kuwaéttopa silessu-silessurenna Yésus.