LUKAS 8:18 - KITTA KAREBA MADECENG

¹⁸ Rimakkuwannanaro pénessaiwi madécéd-décéng aga muwéngkalinga. Saba' tau iya mappunnaiyénna riwéréngngi matu lebbi maégapa; iyakiya tau iya dé'é nappunnai, céddé iya engkaé ri aléna riyalai matu.”

LUKAS 8:18 ပူးပေါင်းရင်းမြစ်များ

AMSAL 14:12

Engka laleng iya paitaé malempu, iyakiya angkanna iyaro lalengngé mattujui ri amaténgngé.

MATIUS 13:12

Tau iya mappunnaiyénna, maéloi riwéréng lebbi maéga, na pédé' alebbinna matu. Iyakiya tau iya dé'é nappunnai agaga, na céddé iya engkaé ri aléna mala riyalai matu.

MATIUS 25:29

Nasaba tau iya mappunnaiyénna, riwéréngngi matu lebbi maégapa, na alebbinna matu. Iyakiya tau iya dé'é nappunnai, céddé iya engkaé mupa ri aléna riyala towi matu.

MARKUS 13:14

“Muwitai matu, ‘Ja iya Paancuru'é’ tettong ri onrong iya riyattéyangngé untu' aléna. (Catatan untu' pabbacaé: Pénessai aga bettuwanna!) Iyaro wettué, tau iya engkaé ri Yudéa harusu'i lari lao ri bulué.

LUKAS 19:26

Nappébali iyaro arungngé, ‘Engngerangngi: tau iya mappunnaiyénna, riwéréngngi matu lebbi maégapa. Iyakiya tau iya dé'é nappunnai, aga iya engkaé ri aléna riyalai matu polé ri aléna.

LUKAS 9:44

“Pénessai madécéd-décéng sibawa aja' muwallupaiwi ada-adak-Kué: Ana'na Tolinoé riyabbéyangngi matu lao ri akuwasanna tolinoé.”

YOHANES 15:2

Tungke' takké-Ku iya dé'é nakkébuwa, narette'i, sibawa tungke' takké mabbuwaé, nakurangiwi daunna sibawa Napaccingiwi kuwammengngi nalebbi maégapasi buwana.

RIWAYA'NA RASUL-RASUL-E 10:33

Iyanaro saba'na umasitta suroi tauwé lao mobbiki Puwang. Namakessing ati tongekki Puwang, natalao kumaiyé. Makkekkuwangngé maddeppungekki kuwaé ri yolona Allataala untu' méngkalingai sininna iya nassurowangngé Allataala ri Puwang untu' mupowadakki.”

RIWAYA'NA RASUL-RASUL-E 17:11

Sining tauwé ri Béréa lebbi tabbukkai atinna naiya sining tauwé ri Tésalonika. Masennang atinna mennang méngkalingai karébaé passalenna Yésus, na esso-esso mennang salidikiwi Kitta'é untu' missengngi tongegga iyaro pappagguruwanna Paulus.

ROMA 12:3

Allataala pura mabbéré pammasé lao ri iyya. Iyanaro saba'na upangajari manengngi Saudara-saudara: Aja' muwasengngi alému lebbi matanré naiya sitongennaé. Sitinajako mangke'i keadaammu sibawa ati mariyawa; tungke'-tungke' mangke'i aléna situru pakkulléng iya nabbéréyangngé Allataala lao ri aléna nasaba mateppe'i lao ri Yésus.

1 KORINTUS 14:37

Rékko engka tau marasa mappunnai pangissengeng untu' palettu'i biritta polé ri Allataala, iyaré'ga mappunnai pangissengeng laingngé polé ri Rohna Allataala, iyaro tauwé harusu'i napahang makkedaé aga iya uwokiéwé iyanaritu parénta polé ri Puwangngé.

1 KORINTUS 3:18

Aja' muwi séddi tau belléi aléna. Rékko engka tau ri yelle'mu masengngi aléna mapanré manuru' ukkuranna linoéwé, iyaro tauwé harusu'i madonggo, kuwammengngi natonget-tongeng mancaji mapanré.

1 KORINTUS 8:2

Tau iya masengngéngngi maéga naisseng, sitongenna dé'pa naissengngi iya kaminang malamungngé.

FILIPI 3:4

Sitongenna weddikka'sa maddennuwang ri upacara-upacaraéro. Saba' rékko engka séddi tau marasa mappunnai alasang untu' maddennuwang ri upacaraéro iya mallahérengngé, lebbi kessippi iyya.

IBRANI 2:1

Iyanaro saba'na na harusu'ki pédé' mattonget-tongeng makkatenning risining pappagguruwanna Allataala iya puraé riyéngkalinga, kuwammengngi aja' tasalaiwi atepperetta.