LUKAS 8:14 - KITTA KAREBA MADECENG

¹⁴ Biné iya teppaé ri tengngana alekale' maddorié sinrupai tau iya méngkalingaéngngi iyaro karébaé, iyakiya bata-batai passalenna atuwonna mennang enrengngé macinnana tuwo massennas-sennang sibawa napojinna ri laleng linoéwé. Iya manennaro sipii mennang angkanna dé' napowassélé' buwa iya matasa'é.

LUKAS 8:14 ပူးပေါင်းရင်းမြစ်များ

MATIUS 13:22

Biné iya teppaé ri tengnga-tengngana alekale maddorié maddapangengngi tau iya méngkalingaéngngi iyaro karébaé, iyakiya bata-batai passalenna atuwonna mennang sibawa macinnai magello atuwo-tuwonna. Rimakkuwannanaro iyaro karéba polé ri Allataala tassipii ri laleng atinna mennang angkanna dé' nakkébuwa.

MARKUS 4:19

iyakiya bata-batai passalenna atuwonna mennang sibawa macinnana tuwo sibawa masennang. Napessunna untu' maddupa-rupang gau' muttama'i ri laleng atinna mennang. Rimakkuwannanaro iyaro karéba polé ri Allataala tassipii ri laleng atinna mennang, angkanna dé' nabbuwa.

LUKAS 16:13

Dé' séddi tau mulléi majjama untu' duwa ponggawa; saba' lebbi namaséiwi matu séddié naiya laingngé; iyaré'ga lebbi matinului matu lao ri ponggawa séddié naiya laingngé. Makkuwatoniro iko. Dé' mulléi majjama untu' Allataala sibawa untu' waramparangngétto.”

LUKAS 21:34

“Jagaiwi alému, aja' lalo mutuli mappésta-pésta sibawa ménung énungeng maserié, iyaré'ga tuli pikkiri'i passalenna atuwommu, angkanna dé' musadiya wettunna polé iyaro Essoé temmusenna-sennai.

LUKAS 8:13

Biné iya teppaé ri onrong iya mabbatu-batué sinrupai tau iya ri wettu naéngkalingana iyaro karébaé, natarimai sibawa masennang atinna. Iyakiya iyaro karébaé dé' nakkure' ri laleng atinna. Cinampe'mi bawang mateppe', ri wettu poléna paccobangngé massakkai mennang.

LUKAS 8:15

Biné iya teppaé ri tana macommo'é sinrupai tau iya méngkalingaéngngi iyaro karébaé, sibawa natarona ri laleng atinna iya makessingngé namalempu. Mattahangngi mennang narapi powassélé' buwa.”

LUKAS 8:7

Engkato biné teppa ri tengngana alekale' maddorié. Iyaro alekale' maddorié tuwoi silaong iyaro biné, sibawa nalimpenginna angkanna dé' naulléi mabbuwa.

YOHANES 15:6

Tau iya dé'é natette' masséddi sibawa Iyya, riyabbéyangngi matu pada-pada takké, namancaji marakko. Takké-takké iya pada-padaéro ripaddeppungengngi matu, nariyabbéyang ri apié, nainappa ritunu.

1 TIMOTIUS 6:17

Lao risining tau iya sugié ri linoéwé, sitinajako pangajari kuwammengngi aja' mennang namatempo sibawa aja' namménasa ri barab-barang iya dé'é natette – pada-pada mutowi asugirengngé. Harusu'i mennang mamménasa lao ri Allataala iya mabbéréyangngéngngi sininna séuwa-séuwaé lao ri idi sibawa maona kuwammengngi tapéneddingiwi.

2 TIMOTIUS 4:10

saba' nasalaina' Démas nasaba naéloriwi linoéwé. Laoni ri Tésalonika. Kréskés laoni ri Galatia, sibawa Titus ri Dalmatia.

IBRANI 6:1

Rimakkuwannanaro, laono mai aja' banna puriyatiwi poko'-poko' mammulanna pappagguruwatta. Makessingengngi majuki ri pappagguruwang iya lebbi matterué passalenna atuwong Kristéng secara mattanggung jawa'é sibawa aja' tapakkolingngi paimeng pappagguruwang bunge'-bunge'é makkedaé harusu'i tauwé mappésau pogau'i gau'-gau' iya dé'é nakkéguna sibawa harusu mateppe' lao ri Allataala,