LUKAS 8:13 - KITTA KAREBA MADECENG

¹³ Biné iya teppaé ri onrong iya mabbatu-batué sinrupai tau iya ri wettu naéngkalingana iyaro karébaé, natarimai sibawa masennang atinna. Iyakiya iyaro karébaé dé' nakkure' ri laleng atinna. Cinampe'mi bawang mateppe', ri wettu poléna paccobangngé massakkai mennang.

LUKAS 8:13 ပူးပေါင်းရင်းမြစ်များ

AYUB 19:28

‘Pékkugi caranaki teppui?’ Sappako alasang untu' mébbu parakara.

AMSAL 12:12

Tau majaé macinnai lolongeng asarong polé ri tau madorakaé; tau makessingngé padai aju iya mabbuwaé.

AMSAL 12:3

Dé' muwi séddi tau iya mullééngngi tette héba' nasaba ja; iyakiya tau iya malempué tette'i mattinetto, dé' naripagoyang.

YESAYA 58:2

Nasompa-Ka mennang esso-esso, sibawa macinna missengngi élo-Ku, samanna mennang napogau'i iya makessingngé, sibawa mapato lao ri hukkuk-Ku. Makkedai mennang makkedaé masennangngi mennang sompa-Ka sibawa macinnaiwi hukkuk-Ku iya adélé'é.”

YEHEZKIEL 33:32

Riyangga'ko séddi tau pakkélong élok-kélong accintang iya macennoé sibawa macca makkacapi. Mémeng naéngkalingai mennang ada-adammu iyakiya dé' naturusiwi.

HOSEA 6:4

Iyakiya makkedai Puwangnge, “Eh Israélié sibawa Yéhuda! Aga harusu Upogau' sibawa iko? Pappojimmu lao ri Iyya masitta'i teddéng pada-pada saléwué iyaré'ga cinoddoé ri éléé.

MARKUS 6:20

Saba' purai Hérodés nasuro tauwé jagaiwi madécéd-décéng asalamakenna Yohanés ri tarungkué, nasaba métaui ri Yohanés. Naissengngi Yohanés séddiwi tau iya makessingngé iya risuroé ri Allataala. Na mémeng rékko mabbicarai Yohanés napojito Hérodés méngkalingai, namuni maséssa senna'i nasaba iyaro.

LUKAS 8:12

Biné iya teppaé ri lalengngé sinrupai sining tau iya méngkalingaéngngi ada-adaéro. Iyakiya poléi Ibillisi' nanarampasa'i iyaro karébaé polé ri atinna mennang, kuwammengngi naaja' namateppe' sibawa ripassalama'.

LUKAS 8:14

Biné iya teppaé ri tengngana alekale' maddorié sinrupai tau iya méngkalingaéngngi iyaro karébaé, iyakiya bata-batai passalenna atuwonna mennang enrengngé macinnana tuwo massennas-sennang sibawa napojinna ri laleng linoéwé. Iya manennaro sipii mennang angkanna dé' napowassélé' buwa iya matasa'é.

YOHANES 15:2

Tungke' takké-Ku iya dé'é nakkébuwa, narette'i, sibawa tungke' takké mabbuwaé, nakurangiwi daunna sibawa Napaccingiwi kuwammengngi nalebbi maégapasi buwana.

YOHANES 15:6

Tau iya dé'é natette' masséddi sibawa Iyya, riyabbéyangngi matu pada-pada takké, namancaji marakko. Takké-takké iya pada-padaéro ripaddeppungengngi matu, nariyabbéyang ri apié, nainappa ritunu.

YOHANES 5:35

Iyaro Yohanés pada-padai lampu malluwa'é sibawa iya mattaparengngé cahaya. Untu' wettu iya dé'é namaitta masenna'ko tarimai cahayanaro.

1 KORINTUS 13:2

Namuni maccaka palettu'i biritta polé ri Allataala, majeppuiwi sininna passaleng iya malamungngé; namuni mappunnaika teppe' enrengngé mateppe' senna'ka lao ri Allataala angkanna uwulléi palétté'i bulué, iyakiya dé' uwamaséiwi tau laingngé, tentu dé'gaga bettuwakku!

1 KORINTUS 15:2

Rékko makkatenning masse'ko ri aga iya uwabbirittangngéro, iyaro Karéba Madécéngngé napassalama'ko; sangadinna rékko saudara mateppe'i temmappahang.

GALATIA 3:1

Saudara-saudara tau Galatiaé! Madonggo tongekko! Pangaru nigaré'na kennako? Amaténna Kristus ri sallié purani upakatajang sibawa manessa lao ri iko!

GALATIA 3:4

Percumaga bawang sininna iyaro puraé mupéneddingi? Masa' percuma!

EFESUS 3:17

Tennapodo nasaba mateppe'ko ri Kristus, monroi Kristus ri laleng atimmu, sibawa atuwommu rilapiriwi enrengngé rikuwasaiwi ri pammasé.

KOLOSE 1:23

Iyakiya tentu harusu'ko tette' matinulu mateppe' sibawa tettong masse ri atepperemmu. Aja' narapii muleppessangngi amménasang iya puraé riwérékko wettunna mutarima Karéba Madécéng polé ri Allataala. Iyaro karébaé purani riyabbirittang lao ri tungke' tau ri sininna linoé. Na untu' iyanaro iyya, Paulus, namancaji pattumani.

KOLOSE 2:7

enrengngé makkure' ri laleng Aléna. Sitinajako patettongngi atuwonna na Kristus selaku pallapi'na. Sitinajako pédé mateppe' lao ri Yésus Kristus manuru aga iya puraé ripagguruwangngékko. Nasitinajai atimmu luwang sibawa pattarima kasi.

1 TESALONIKA 3:5

Iyanaro saba'na usuroi Timotius, nasaba macinna senna'ka missengngi pékkugi amajungemmu ri laleng atepperengngé lao ri Kristus. Bata-bataka naullé ammai Ibillisi' godako angkanna sininna turuppuse'ta mancaji paracumai.

1 TIMOTIUS 1:19

Ewano sibawa makkatenning ri laleng ateppereng iya tongengngé sibawa ati iya mapaccingngé. Engka tau dé' napaduliwi sadda ati marilalenna, angkanna ancuru'i atepperenna mennang.

IBRANI 10:39

Idi'é tenniyaki umma' iya soroé sibawa pusaé. Sibalé'na, idi iyanaritu umma' iya mateppe'é ri Allataala sibawa iya ripassalama'é.

YAKOBUS 2:26

Nah, pékkugi watakkalé iya temmakkéroh-é iyanaritu watakkalé iya maté, makkuwa toniro teppe' temmappangkaukengngé iyanaritu teppe' iya maté.

2 PETRUS 2:20

Tau iya missengngéngngi Puwangngé sibawa Pappassalama'ta Yésus Kristus, leppe'ni polé risining akuwasanna linoé iya carépaiyéngngi rupa taruwé. Iyakiya rékko rimunri nalai siyosi angkanna ricau risining akuwasangngéro, nancajina keadaanna iyaro tauwé ri paccappurenna lebbi majapi naiya riyolona.

2 PETRUS 2:22

Aga iya napogau'é mennang pabuttiwi atongengenna iyaé warékkadaé, “Nanréi matu paimeng asué aga iya puraé naluwa,” sibawa “Tédong iya puraé ricemmé, lisui matu maggalélu ri laleng bungkaé.”

1 YOHANES 2:19

Iyaro sining Balinna Kristus iyanaritu sining tau iya salaiyékki, nasaba sitongenna mennang mémeng tenniya sining tautta. Rékko mennang sining tautta, tentu mennang tette'i sibawa idi. Iyakiya nasalaiki mennang, kuwammengngi namanessa makkedaé dé' muwi séddi polé ri mennang iya tonget-tongengngé muttama ri golongetta.

YUDAS 1:12

Wettummu pakangka pésta manré, kédo-kédona iyaro sining tauwé napéjariwi pappéneddingngé ri yelle'mu. Saba' manréi mennang sibawa mabuwaja temmasiri, enrengngé banna aléna bawang naéngngerang. Pada-padai mennang ritu ellungngé iya nairié anging, iyakiya dé' napateppa bosi. Pada-pada towi aju-kajungngé iya dé'é napowassélé' buwa namuni wettu buwa-buwani; sining pong ngaju iya puraé ribébbu ure'na sibawa maté sisenni.