LUKAS 8:11 - KITTA KAREBA MADECENG

¹¹ “Iyanaé bettuwanna iyaro pakkalarapangngé: Iyaro biné iyanaritu ada-adanna Allataala.

LUKAS 8:11 ပူးပေါင်းရင်းမြစ်များ

YESAYA 8:20

Baliwi makkuwaé, “Engkalingai pappagguruwanna Puwangnge! Tau iya dé'é nabbicara situru sibawa pappagguruwangngéro, dé' nappunnai amménasang.”

MATIUS 13:18

“Engkalingani bettuwanna pakkalarapangeng passalenna pangampoéro.

MATIUS 13:19

Biné iya teppaé ri lalengngé maddapangengngi tau iya méngkalingaéngngi karéba passalenna pékkugi Allataala mapparénta, iyakiya dé' napahangngi. Poléi Ibillisi'é narampasa'i aga iya pura riyampoé ri laleng atinna mennang.

MARKUS 4:13

Nainappa Yésus makkeda lao ri mennang, “Rékko dé' mupahangngi pakkalarapangngéro, pékkugi mulléi pahangngi sining pakkalarapang laingngé?

LUKAS 8:12

Biné iya teppaé ri lalengngé sinrupai sining tau iya méngkalingaéngngi ada-adaéro. Iyakiya poléi Ibillisi' nanarampasa'i iyaro karébaé polé ri atinna mennang, kuwammengngi naaja' namateppe' sibawa ripassalama'.

YAKOBUS 1:21

Rimakkuwannanaro, buwanni tungke' abiyasang iya macarépaé sibawa majaé. Tarimani sibawa ati mariyawa ada-ada iya natanengngé Allataala ri laleng atimmu, saba' iyaro ada-adaé mappunnaiwi awatangeng untu' passalama'ko.