LUKAS 8:10 - KITTA KAREBA MADECENG

¹⁰ Nappébali Yésus, “Purano riwéréng pammasé untu' missengngi rahasiyana pékkugi Allataala mapparénta selaku Arung. Iyakiya tau laingngé ripaggurui sibawa pakkalarapangeng, kuwammengngi napénessaiwi, iyakiya dé' naissengngi aga iya kajajiyangngé; sibawa maréngkalingai, iyakiya dé' napahang.”

LUKAS 8:10 ပူးပေါင်းရင်းမြစ်များ

MAZMUR 25:14

Puwangnge iyanaritu sellaona tau mateppe'é, napannessai akkatta-Na lao ri mennang.

YESAYA 29:14

Rimakkuwannanaro maélo-Ka patassélengngi sibawa pakkunru makkolik-koling. Tau iya mapanré mancaji madonggoi matu, sibawa sininna amaccanna mennang dé' nakkéguna matu.”

YESAYA 44:18

Madonggo tongeng sining tau pada-padaéro! Natongkoi matanna sibawa atinna mennang angkanna dé' najeppuiwi aga-aga.

YESAYA 6:9

Nainappa Nasuroka lao tiwii iyaé pasengngé lao ri umma'é: “Matteruko matu méngkalingai, iyakiya dé' najeppuiwi. Matteruko matu pénessaiwi, iyakiya dé' muwissengngi aga iya kajajiyangngé.”

YEREMIA 5:21

“Engkalingai, éh iko tau madonggoé sibawa madongo'é! Mappunnaiko mata iyakiya dé' muwakkita, mappunnaiko daucculing iyakiya dé' muwaréngkalinga!

YEHEZKIEL 12:2

“Eh tolino dé'é namannennungeng, monroko ri tengnga-tengngana bangsa parronta'é. Mappunnaiwi mennang mata, iyakiya dé' nakkita; mappunnai daucculing, iyakiya dé' namaréngkalinga, saba' napojiwi mennang maronta.

MATIUS 11:25

Iyaro wettué massempajanni Yésus, “Ambo', Puwang iya makuwasaiyéngngi langié sibawa linoé! Mattarima kasi'-Ka lao ri Iko saba' iya manennaro Murahasiyakangngi polé risining tau maccaé sibawa engkaé pangissengenna, iyakiya Muwappaitangngi lao risining tau dé'é namacca.

MATIUS 16:17

Nakkeda Yésus, “Maupe' senna'ko Simon, ana' Yona! Saba' tenniya tolino paissengiko gau'éro, sangadinna Ambo'-Ku ri surugaé.

MARKUS 4:11

Nakkedana Yésus lao ri mennang, “Purano riwéréng pammasé untu' missengngi rahasiyana passalenna pékkugi Allataala mapparénta. Iyakiya sining tau saliwengngé ripaggurui sibawa pakkalarapangeng,

MARKUS 4:12

kuwammengngi ‘Natonget-tongengngi matu mennang makkita, iyakiya dé' nakkita, matterui matu mennang maréngkalinga, iyakiya dé' nappéjeppu, kuwammengngi naaja' mennang nakkita sibawa mappéjeppu naaja' napolé ri Allataala nariyaddampengeng mennang ri Allataala.’ ”

YOHANES 12:40

‘Upabutai matanna mennang, mébbui mennang matedde ati; kuwammengngi dé' nakkita matanna mennang, aja' nappéjeppu pikkiranna mennang. Kuwammengngi aja' mennang nalisu ri Iyya, na-Upajjappai mennang.’ ”

ROMA 16:25

Ripojiwi Allataala! Makuwasai péwatangiwi atepperenna Saudara situru Karéba Madécéng polé ri Allataala iya uwabbirittangngé passalenna Yésus Kristus. Uwabbirittangngi iyaro karébaé situru sibawa aga iya napannessaé Allataala; iyanaritu rancanana Allataala iya maddatu-datu taungngénna ittana dé' naissengngi tauwé.

1 KORINTUS 12:11

Iya manennaro najamai iyaro Roh séddié bawang; tungke'-tungke' tau riwéréng wéré iya mallaingngé situru élona muto iyaro Roh-é.

ULANGENG 29:4

Iyakiya narapi essoéwé, dé'pa napakkulléko pahang manengngi iya mupéneddingiyéro.

KOLOSE 2:2

Iya manennaé upogau'i kuwammengngi namawatang atinna mennang enrengngé siyamaséiwi mennang angkanna mare'i mennang masséddi. Nanallalengiro natonget-tongengngi mennang napahang sibawa mateppe' enrengngé naisseng rahasiyana Allataala, iyanaritu Yésus Kristus muto.

1 TIMOTIUS 3:16

Muwi séddi tau dé'to mulléi massakkarengngi, temmaka loppona rahasiyana agamata: Nappaitangngi aléna ri laleng rupa tolinoé, sibawa ripannessa tongeng ri Rohna Allataala, enrengngé naita sining malaéka'é. Karébanna ripamengngoi ri yelle'na bangsa-bangsaé, sibawa riyatepperi ri sininna linoé sibawa riyakka ménré ri surugaé.