LUKAS 7:9 - KITTA KAREBA MADECENG

⁹ Héranni Yésus méngkalingai iyaro. Gilinni nakkeda ri tau maégaé iya maccowériyéngngi, “Tenniya culé-culé iyaé tauwé. Ri yelle'na tau Israélié dé'pa naengka Ulolongeng teppe' silloppoéwé.”

LUKAS 7:9 ပူးပေါင်းရင်းမြစ်များ

MATIUS 15:28

Nanakkeda Yésus lao ri makkunraiéro, “Bu', maraja tongeng teppe'mu! Leppessanni kajajiyang aga muwacinnai!” Iyatoro wettué najjappa iyaro ana' makkunraié.

MATIUS 8:10

Wettunna naéngkalinga Yésus aga napowada iyaro parawiraé, bengnga senna'ni. Nanakkeda lao risining tau iya maccowériyéngngi, “Tenniya culé-culé iyaé tauwé. Dé'pa naengka Uruntu ri yelle'na tau Israélié teppe' makkuwaé tedde'na!

MATIUS 9:33

Napaddésu'ni Yésus iyaro sétangngé, naiyatoro wettué naweddinna mabbicara iyaro tauwé. Héranni iyaro tau maégaé nakkeda, “Dé'pa naengka taita kajajiyang makkuwaéwé ri Israélié!”

LUKAS 7:10

Wettunna iyaro sining tau risuroé lisu ri bolana parawiraéro, majjappani iyaro ataé.

LUKAS 7:50

Iyakiya makkedai Yésus lao ri makkunraiéro, “Nasaba mateppe'ko lao ri Iyya, ripassalama'ko. Laono sibawa damé!”

LUKAS 7:8

Saba' iyya'é tunru' tokka ri paréntana tomariyasé'é, na ri yawaku engkato parajuri'-parajuri' iya harusu'é tunru' ri parénta-paréntaku. Rékko usuroi séddié parajuri', ‘Laoko!’ laowi; sibawa rékko makkedaka ri laingngé, ‘Laoko mai!’ poléi. Narékko uparéntangngi atakku, ‘Ebbui iyaé!’ naébbui.”