LUKAS 7:47 - KITTA KAREBA MADECENG

⁴⁷ Tongeng: pammasé iya battowaéro mappaitangngi makkedaé dosana iya maégaéro riyaddampengenni! Rékko céddé'mi tauwé riyaddampengeng, céddé' tommi mamasé matu.”

LUKAS 7:47 ပူးပေါင်းရင်းမြစ်များ

YESAYA 1:18

Makkedai Puwangnge, “Laono mai tapuraiwi iyaé parakaraé. Namuni malango-langoko nasaba dosa-dosamu, Ubissaiko matu mancaji maputé mapaccing pada-pada ape'é. Namuni maégai dosa-dosamu sibawa matane, Uwaddampengekko matu sibawa sukku.

YESAYA 55:7

Sitinajai tau majaé pédécéngiwi atuwonna, sibawa pinrai cara mappikkiri'na. Leppessangngi lisu ri Puwangnge, kuwammengngi nalolongeng paressé babuwa-Na. Sitinajai giling lao ri Allataalata, saba' maddampengngi Puwangnge sibawa makacuwa.

YEHEZKIEL 16:63

Uwaddampengengngi matu sininna asalammu, iyakiya dé' muwulléi mallupaiwi matu sibawa masiriko matu untu' powadai muwi aga. Iyya Puwang Iya Pommatanré pura mabbicara.”

MIKHA 7:19

Maressési-Ko matu lao ri idi sibawa maddampengekki. Muléjja'-léjja'i matu dosa-dosata sibawa Muwaggenrungengngi lao ri borina tasi'é!

MATIUS 10:37

Tau iya mamaséiyéngngi ambo'na iyaré'ga indo'na lebbi na Iyya, dé' nasitinaja mancaji ana' guruk-Ku. Makkuwatoro tau iya mamaséiyéngngi ana' worowanéna iyaré'ga makkunrainna lebbi na Iyya.

LUKAS 7:39

Wettunna tau Farisié iya mundangngengngi Yésus naita iyaro gau'é, makkedani ri laleng atinna, “Akkalarapanna iyaé tauwé nabi, tentu Naisseng niga iyaro makkunrai géssaéngngi, sibawa iyaro makkunraié tuwoi ri laleng dosaé!”

LUKAS 7:46

Iko dé' mutirikiwi minnya' uluk-Ku, iyakiya iyaé makkunraié purani natiriki minnya' wangi ajé-Ku.

LUKAS 7:48

Nakkeda Yésus lao ri makkunraiéro, “Riyaddampengenni dosa-dosamu.”

RIWAYA'NA RASUL-RASUL-E 5:31

Napurani riwéréng ri Allataala tudangeng sibawa akuwasang iya matanré selaku Pamimping sibawa Pappassalama'; kuwammengngi nariwéréng kasempatang bangsa Israélié untu' toba' polé ri dosa-dosana sibawa riyaddampengeng.

ROMA 5:20

Iya mabbéréyangngéngngi hukkunna agama Yahudié iyanaritu Allataala muto. Iyakiya pédé' makkuragai tolinoé turusiwi iyaro hukkung-hukkungngé, pédé' najjalékkaiwi mennang sibawa madosa lao ri Allataala. Iyakiya namuni pédé' pogau' dosa tolinoé, Allataala pédé' mamaséiwi mennang.

2 KORINTUS 5:14

Pammaséna Kristus ritu makuwasaiki; narimaingekiwi makkedaé rékko séddié tau matéi untu' sininna tauwé, na bettuwanna iyaro makkedaé maté manenni sininna tauwé.

GALATIA 5:6

Saba' rékko masséddini sibawa Kristus Yésus, passaleng turusiwi iyaré'ga temmaccowériwi peraturanna sunna'é dé'na nancaji soal. Iya pentingngé banna teppe' lao ri Kristus, na iyaro manessai ri laleng pammaséta lao ri tau laingngé.

EFESUS 6:24

Tennapodo Allataala barakkakiwi Saudara maneng iya mamaséiyéngngi Puwatta Yésus Kristus sibawa pammasé iya dé'é naulléi peddé. Salama, Paulus

FILIPI 1:9

Iyanaé sempajakku lao ri iko: tennapodo pédé' muwamaséiwi Allataala sibawa pada-padammu enrengngé matteru tattamba ri laleng pangissengengngé sibawa pappaita iya mapanré.

1 TIMOTIUS 1:14

Mala ribolloika sibawa pammaséna Puwatta. Nawérékka amampungeng untu' mateppe' ri Aléna sibawa mamaséiwi pada-padatta rupa tau. Iyaro amampungengngé nawérékki idi maneng iya masséddié sibawa Kristus Yésus.

1 YOHANES 1:7

Iyakiya rékko tuwoki ri laleng tajangngé pada-pada Allataala engka ri laleng tajangngé, tentu tuwoki mareppé enrengngé sipammasé-masé séddié lao ri laingngé, sibawa darana Yésus, Ana'-Na, pépaccingiki polé ri sininna dosaé.

1 YOHANES 3:18

Ana'-ana'ku! Aja' tamaséiwi banna ri témué iyaré'ga banna ada-ada bawang. Sitinajaki makkamasé sibawa pammasé iya tongengngé, iya ripabuttiyé sibawa pangkauketta.

1 YOHANES 4:19

Idi mamaséki, nasaba Allataala lebbi riyolo mamaséiki.

1 YOHANES 5:3

Saba' mamaséi Allataala bettuwanna matinulu lao ri parénta-parénta-Na. Na parénta-parénta-Na dé' namatane untu' aléta,