LUKAS 7:44 - KITTA KAREBA MADECENG

⁴⁴ Nainappa makkita Yésus lao ri makkunraiéro sibawa makkeda lao ri Simon, “Muwitaga iyaro makkunraié? Lao-Ka ri bolamu, nadé' mupassadiya uwai untu' pépaccingiwi ajé-Ku, iyakiya iyaé makkunraié purani napépaccingi ajé-Ku sibawa uwai matanna, enrengngé rakkoiwi sibawa gemme'na.

LUKAS 7:44 ပူးပေါင်းရင်းမြစ်များ

KAJAJIYANG 18:4

Leppessakka mala uwai untu' bissaiwi ajéna Bapa'-bapa'. Tapassauni tekkota Bapa'-bapa' ri yawana ajuéwé.

KAJAJIYANG 19:2

sibawa makkeda, “Bapa'-bapa', taléppang ri bolaku. Weddingngi Bapa'-bapa' bissaiwi ajéna sibawa mabbenni ri bolaku. Baja rékko maéloki, weddingngi Bapa'-bapa' moto' maélé sibawa patterui joppata.” Iyakiya mappébaliwi mennang, “Tarima kasi, leppessanni mabbenni kuwaé bawang, ri lapanganna kotaé.”

KAJAJIYANG 43:24

nanaantara'i muttama ri lalempola. Nawérénni mennang uwai untu' mabbissa ajé, sibawa inanré untu' kaleddé'na mennang.

2 SAMUEL 11:8

Nainappa makkeda Daud lao ri Uria, “Lisuno ri bolamu namuwappésau cinampe.” Nasalainnana Uria saorajaé, kirinni Daud hadiya lao ri bolana Uria.

LUKAS 7:38

Tettongngi ri munrinna Yésus ri seddéna ajé-Na sibawa teri nanarica'i ajéna Yésus sibawa uwai matanna. Nainappa narakkoi ajéna Yésus sibawa gemme'na nappa nabau sibawa natirikinna minnya' wangi.

LUKAS 7:43

Nappébali Simon, “Ukira-kirai tau iya kaminang maégaé inrenna riledda!” Nappébali Yésus, “Tongeng pallolongemmu.”

YOHANES 13:5

Purairo tiwini uwai ri laleng séddié katowang, nappammula bissaiwi ajéna ana'-ana' gurun-Na enrengngé rakkoiwi sibawa handu iya tassiyoé ri babuwa-Na.

1 TIMOTIUS 5:10

sibawa kalabba selaku makkunrai iya pogau'éngngi gau'-gau' iya makessingngé, padaénna ébara'na: napawekke'i ana'-ana'na sibawa makessing, masennang tarima tamu-tamu mappéruma ri bolana, natumaningiwi sining tau mateppe'é, nabantui sining tau masussaé, enrengngé napogau'i sibawa mattonget-tongeng sininna rupanna jama-jamang iya makessingngé.

YAKOBUS 2:6

Iyakiya iko mala napakatunai tau kasiyasié, padahal sining tau sugié ritu tenre'ko sibawa massarénréngekko lao ri pengadilangngé!

HAKING-HAKING 19:21

Nanatiwini mennang ri bolana nanawéréngngi inanré kaleddé'-kaleddé'na mennang. Sibawa puranana iyaro sining topoléna nabissani ajéna, manréni mennang.

1 SAMUEL 25:41

Natokkonna Abigail sibawa suju' enrengngé makkeda, “Iyya'é atanna Daud, sadiyaka bissaiwi ajéna sining atanna.”