LUKAS 7:39 - KITTA KAREBA MADECENG

³⁹ Wettunna tau Farisié iya mundangngengngi Yésus naita iyaro gau'é, makkedani ri laleng atinna, “Akkalarapanna iyaé tauwé nabi, tentu Naisseng niga iyaro makkunrai géssaéngngi, sibawa iyaro makkunraié tuwoi ri laleng dosaé!”

LUKAS 7:39 ပူးပေါင်းရင်းမြစ်များ

2 ARUNG-NGARUNG 5:20

Géhazi pattumaninna Elisa, mappikkiri'i, “Magi naleppessangngi lao temmakkamaja? Mestinna natarimai puwakku pabbéréna tau Siriaéro! Nasabbing Puwang iya tuwoé, harusu'ka lellungngi sibawa lolongeng séuwa polé ri aléna!”

AMSAL 23:7

Saba', makkedai matu, “Laoni mai manré; tatambaipi,” padahal akkattana tenniya makkuwaro. Macenningngi témunna, iyakiya atinna laingngi.

YESAYA 65:5

Makkedai mennang ‘Laono mabéla-béla, aja' mugéssaki saba' mapaccikki sibawa mallaikki polé ri iko!’ Dé' Utahang mitai kédo-kédona mennang! Cai-Ku lao ri mennang pada-padai api iya dé'é naengka napeddé.

MATIUS 20:16

Nainappa makkedasi Yésus, “Makkuwa toniro sining tau iya poddimonrié mancaji matu poddiyolo, nasining tau poddiyoloé mancajiwi matu poddimonri.”

MATIUS 21:11

Nappébali tau maégaé iya tinrosiyéngngi Yésus, “Aléna Nabi Yésus, polé ri Nazarét ri Galiléa.”

MARKUS 7:21

Saba' polé ri lalengngi, iyanaritu polé ri laleng ati, mompoi sining akkaleng majaé iya nassabariyé tauwé pogau' mappangaddié, ménnau, mabbuno,

LUKAS 12:17

Iyaro tau sugié mamulani mappikkiri' ri laleng atinna, ‘Dé'na gaga onronna wassélé tanaku. Agana akkalekku makkekkuwangngé?’

LUKAS 15:2

Sining tau Farisié sibawa guru-guru agamaé mammulani mannoko'-noko'. Makkedai mennang, “Cih, iyaé tauwé natarimai sining tauwé iya dé'é namakessing sibawa mala manréi sisama mennang!”

LUKAS 16:3

Nappikkiri'na iyaro pakkatenning dowié, ‘Aga harusu' upogau' makkekkuwangngé? Maéloi Puwakku paléssoka. Nadé' uwulléi mabbéngkung, sibawa masirika maréllau-éllau.

LUKAS 18:4

Siyagangngaré ittana iyaro hakingngé dé' namaélo tulungngi iyaro jandaé. Iyakiya angkanna mappikkiri' iyaro hakingngé, ‘Muwi dé' umétau lao ri Allataala sibawa dé'na upaduliwi muwi lao ri niga,

LUKAS 3:8

Appaitanni ri laleng pangkaukemmu makkedaé toba'no polé ri dosa-dosamu! Aja' muwakkeda makkedaé Abraham iyanaritu néné-nénému. Engngerangngi! Polé ri batu-batuéwé, naulléi Allataala pinru wija-wijanna untu' Abraham!

LUKAS 7:16

Métau maneng tauwé sibawa mammulani pojiwi Allataala. Makkedai mennang, “Momponi ri tengnga-tengngata séddi nabi iya battowaé! Poléni Allataala untu' passalama'i umma'-Na!”

LUKAS 7:37

Engkato ri kotaéro séddi makkunrai iya tuwoé ri laleng dosaé. Wettunna naéngkalinga makkedaé Yésus manréi ri bolana tau Farisiéro, laoni sibawa tiwi séddi botolo' mallise' minnya' wangi.

LUKAS 7:38

Tettongngi ri munrinna Yésus ri seddéna ajé-Na sibawa teri nanarica'i ajéna Yésus sibawa uwai matanna. Nainappa narakkoi ajéna Yésus sibawa gemme'na nappa nabau sibawa natirikinna minnya' wangi.

LUKAS 7:40

Nakkeda Yésus lao ri Simon, “Simon, engka maélo Upowadakko.” Nappébali Simon, “Iyyé, Pa' Guru, tapowadani.”

YOHANES 4:19

Nakkeda iyaro makkunraié, “Uwissenni makkekkuwangngé, Puwang séddiwi nabi.

YOHANES 7:12

Maéga tau mammula mabbici'-bici' passalenna Aléna. Engka makkeda, “Tau décéngngi.” Engkato makkeda, “Dé'! Napapusai tau maégaé.”

YOHANES 9:24

Nainappa naobbisi tau iya butaé onna'ro, nakkeda ri tauwéro, “Attanroko makkedaé makkedako matu iya tongengngé. Riisseng iyaro tauwé tau madosa.”