LUKAS 7:34 - KITTA KAREBA MADECENG

³⁴ Poléi Ana'na Tolinoé – manréi sibawa ménung – mumakkeda, ‘Itai iyaro tauwé! Mabuwaja, pammabokeng, sellaona passinge' simaé sibawa sellaona tau madosaé.’

LUKAS 7:34 ပူးပေါင်းရင်းမြစ်များ

MATIUS 11:19

Namakkekkuwangngé poléni Ana'na Tolinoé – manréi sibawa ménung; nakkeda sining tauwé, ‘Itai tauwéro! Mabélala, pammabokeng, sellaonai passinge' simaé sibawa tau madosaé.’ Namuni makkuwaro, apanrénna Allataala pabuttiwi polé ri wassélé'-wassélé'na.”

MATIUS 5:46

Saba' rékko iyami muwamaséi tau iya mamaséiyékko, untu' aga Allataala harusu' nawale' pangkaukemmuro? Dé'ga nasining passinge' simaé pogau' towi makkuwaéro?

MATIUS 9:11

Engka tau Farisi mitai gau'éro. Nakkutanana mennang ri ana'-ana' gurunna Yésus, “Aga saba'na gurummu namanré sisama passinge' simaéro enrengngé sining tau iya dé'é namakessing?”

LUKAS 11:37

Pajanana Yésus mabbicara, engka séddi tau Farisi mobbii Aléna manré ri bolana. Nalaona Yésus manré kuwaro.

LUKAS 14:1

Riséuwaé esso Saba' laowi Yésus manré ri bolana séddié tomariyolona tau Farisié. Naripénessaina tonget-tongeng Yésus kuwaro risining tauwé.

LUKAS 15:2

Sining tau Farisié sibawa guru-guru agamaé mammulani mannoko'-noko'. Makkedai mennang, “Cih, iyaé tauwé natarimai sining tauwé iya dé'é namakessing sibawa mala manréi sisama mennang!”

LUKAS 19:7

Sininna tauwé iya mitaéngngi gau'éro mammulani mannoko'-noko'. Makkedani mennang, “Cih! Laowi massurolellang ri bolana tau iya dé'é namakessing!”

LUKAS 5:29

Purairo mappéstani Léwi ri bolana untu' Yésus. Maéga passinge' sima sibawa tau laing maccowé manré sisama mennang.

LUKAS 7:33

Poléi Yohanés Paccemmé – mappuwasai sibawa dé' nainung anggoro – namumakkeda, ‘Nauttamakiwi sétang!’

LUKAS 7:35

Namuni makkuwaro, amaccanna Allataala pabuttiwi polé ri sininna tau iya tarimaéngngi.”

LUKAS 7:36

Engka séddi tau Farisi riyaseng Simon, naundangngi Yésus manré. Laoni Yésus ri bolana sibawa tudang manré.

YOHANES 12:2

Kuwaniro ritumaningi ri mennang, sibawa rilayani ri Marta. Lazarus sibawa sining topolé tudanni manré silaong Yésus.

YOHANES 2:2

Yésus sibawa ana'-ana' gurun-Na riyobbi towi lao ri péstaéro.