LUKAS 7:25 - KITTA KAREBA MADECENG

²⁵ Laoko untu' mita aga? Séddi tau iya mappaké makessingngéga? Sining tau iya mappaké makkuwaéro sibawa tuwoé massennas-sennang monroi ri saorajaé!

LUKAS 7:25 ပူးပေါင်းရင်းမြစ်များ

2 SAMUEL 19:35

Umuru'na atatta aruwani pulona taung, sibawa dé'na gaga iya weddingngé mabbéré asennangeng lao ri atatta. Dé'na naulléi atatta peneddingiwi aga nanré atatta iyaré'ga naénungngé, sibawa dé'na naulléi méngkalingai saddanna tauwé makkélong. Banna mancaji réppami bawang atatta lao ri Datu.

1 ARUNG-NGARUNG 10:5

cara majjamana pegawé-pegawé saorajana, enrengngé pakéyang pada-padanna nenniya bolana mennang. Naitai inanré sibawa énungeng iya napatalaé, carana sining pattumanié tumaningiwi péstaé, sibawa sining akkarobangeng iya nakkasuwiyangengngé Salomo ri Bolana Puwangnge. Iya manennaro mébbui ratu wanuwa Syéba bengnga sibawa takkamennyé.

2 ARUNG-NGARUNG 1:8

Nappébali mennang, “Jumba sibawa babbanna poléi ri bingkulangngé.” Nakkeda arungngé, “Oh, Elia iyaro!”

ESTER 1:11

Nasuroi mennang tiwii ri yolona Ratu Wasti sibawa passigera akkarungengngé ri tompo ulunna. Magello senna ratué, namaéloi arungngé mappaitangngi agellorenna lao risining tomarajaé sibawa sining topoléna.

ESTER 1:3

Ri taung matellué apparéntanna, pakangkai Arung Ahasywéros pésta marowa untu' sininna tomarajana sibawa pegawénna. Sining pallima Persiaé sibawa Média engka towi ri péstaéro, makkuwatoro sining gubernur-é sibawa pajaba tanréna propinsié.

ESTER 4:2

Mappésauni ri yolona pintu gerbanna saorajaé, saba' tau iya mappaké karungngé riyattéyang muttama.

ESTER 5:1

Ri esso matellué appuwasanna, napakéni Ester pakéyang ratunna, nainappa lao ri seddé lalenna saorajaé sibawa tettong ri yolona sumpang barugaé. Mattengngangngi arungngé tudang ri yasé'na kadéra arajanna iya mangoloé ri sumpangngéro.

ESTER 8:15

Purairo nasalaini Mordékhai saorajaé sibawa paké pakéyang arajang magawu sibawa puté, jumba collipao polé ri lénang alusu'é sibawa passigera ulaweng iya magello senna'é. Gora-gora kota Susan nasaba rennunna.

YESAYA 59:17

Napakéi adélékengngé sibawa asalamakengngé selaku waju bessi sibawa palo-palo baja. Mattedde'i untu' palisui keadaangngé sibawa wale'i dé'é naadélé.

MATIUS 11:8

Aga maélo lao muwita? Séddi tau iya mappakéyang makessingngéga? Tau iya mappakéyang makkuwaéro monroi ri saorajaé!

MATIUS 3:4

Pakéyang napaké Yohanés poléi ri bulu untaé. Babbanna poléi ri bingkulangngé, sibawa anréna incalé sibawa cani ale'.

MATIUS 6:29

iyakiya muwi Arung Salomo iya sugi makkuwaéro, dé' napaké pakéyang iya siggelloé bunga-bungaéro!

LUKAS 16:19

“Engka séddi tau sugi. Pakéyanna masuli, sibawa masennang atuwo-tuwonna esso-esso.

LUKAS 7:24

Meddé'nana iyaro sining surona Yohanés, mappammulani Yésus mabbicara lao ri tau maégaéro passalenna Yohanés, adan-Na, “Laoko ri padang kessi'é untu' mita aga? Sipong wellaga iya nairié anging?

LUKAS 7:26

Jaji massuko untu' mita aga? Untu' mita séddi nabiga? Tongeng, mala lebbi na séddié nabi.