LUKAS 7:22 - KITTA KAREBA MADECENG

²² Jaji mappébalini Yésus, “Lisuno lao ri Yohanés namupowadangngi aga muwéngkalinga sibawa muwita: makkita tau butaé, joppa tau péso'é, majjappa tau malasa oli mabbahayaé, maréngkalinga tau mataru-tarué, tuwo paimeng tau maté, sibawa Karéba Madécéng polé ri Allataala riyabbirittangngi lao risining tau kasiyasié.

LUKAS 7:22 ပူးပေါင်းရင်းမြစ်များ

AYUB 29:15

Untu' tau butaé, mancaji mataka; untu' tau péso'é, iyya iyanaritu ajéna.

MAZMUR 146:8

sibawa naébbui tau butaé naulléi makkita. Napatokkongngi tau mabuwangngé, sibawa mamaséiwi tau iya malempué.

YESAYA 42:16

Bangsa-Ku iya butaé Urénréngngi matu molai laleng iya dé'é naissengngi mennang; Urénréngngi matu mennang risining laleng iya dé'é naissengngi mennang. Pettangngé Upancajiwi tajang untu' mennang, sibawa laleng iya makkalebbong-kalebbongngé Uparatai. Iyanaro Upogau' matu untu' mennang, napasti Upogau' matu.

YESAYA 43:8

Makkedai Allataala, “Suroi malluru liyolo bangsa-Ku iya butaé, namuni mappunnaiwi mata; iya mataru-tarué, namuni mappunnaiwi daucculing.

YEREMIA 31:8

Polé ri manorang Utiwii mennang lisu paimeng; Upaddeppungengngi mennang polé ri cappa-cappa linoé. Tau butaé sibawa tau péso'é maccowéi matu silaong mennang, makkuwatoro makkunrai iya nappaé mémmana sibawa mattampu loppoé. Polé manengngi matu paimeng mennang ri laleng jumella iya battowaé lao ri wanuwaéwé.

ZEFANYA 3:12

Uleppessangngi matu kuwaro mattette séuwaé bangsa iya mariyawa atié, iya mattuwangngéngngi pattuluk-Ku. Weddingngi mennang monro kuwaro.

MATIUS 11:5

Makkita tau butaé, joppa tau péso'é, majjappa tau malasa oli iya mappakatau-taué; maréngkalinga tau mataru-tarué, tuwo tau maté, sibawa Karéba Madécéng polé ri Allataala riyabbirittang lao ri tau kasiyasié.

MATIUS 21:14

Poléni ri Yésus sining tau butaé sibawa péso'é ri Bolana Puwangngé, naripajjappa mennang ri Yésus.

LUKAS 4:18

“Engkai Rohna Puwangngé ri Iyya, saba' pura-Ka nalanti' untu' mabbirittangngi Karéba Madécéngngé lao ri tau kasiyasié. Nasuro-Ka untu' mappallebbangengngi aleppekengngé lao ri tau ritawangngé sibawa ajjappang lao ri tau butaé; untu' paleppe'i tau iya ripanrasa-rasaé

LUKAS 7:21

Iyaro wettué Yésus pajjappai maéga tau, sibawa paddésu' maéga roh maja enrengngé mébbui maéga tau buta makkita.

LUKAS 7:23

Masennangngi tau iya dé'é gaga alasanna untu' sampéyak-Ka.”

YOHANES 1:46

Iyakiya mappébaliwi Natanaél, “Weddigga séuwa iya makessingngé polé ri Nazarét?” Nappébali Filipus, “Laono mai na alému mitai.”

RIWAYA'NA RASUL-RASUL-E 26:18

untu' pakkitai matanna, kuwammengngi nassu polé ri pettangngé nanauttama ri laleng cakkaé; kuwammengngi naleppe polé ri pangarunna Ibillisi'é, narikuwasai ri Allataala. Na ri laleng mateppe'na ri Iyya, riyaddampengengngi matu dosa-dosana sibawa mancajiwi matu mennang anggotana umma'na Allataala iya ripilé.’ ”

RIWAYA'NA RASUL-RASUL-E 8:7

Saba' massuni roh-roh majaé polé ri maéga tau iya nauttamakiyé sétang. Sining tau péso'é sibawa képpangngé maéga napajjappa.

YAKOBUS 2:5

Engngerangngi, Saudara-saudara iya ripojiyé! Tau iya nangga'é kasiyasi linoéwé, napiléi Allataala untu' mancaji sining tau iya sugié ri laleng teppe'. Iyaro sining tauwé mancajiwi matu anggota umma'na Allataala pada-pada iya najjanciyangngé Allataala lao ri tau iya mamaséiyéngngi Aléna.