LUKAS 7:16 - KITTA KAREBA MADECENG

¹⁶ Métau maneng tauwé sibawa mammulani pojiwi Allataala. Makkedai mennang, “Momponi ri tengnga-tengngata séddi nabi iya battowaé! Poléni Allataala untu' passalama'i umma'-Na!”

LUKAS 7:16 ပူးပေါင်းရင်းမြစ်များ

MAZMUR 65:9

Sininna pabbanuwana linoé métau sibawa mappakalebbi mitai sining pangkaukem-Mu iya maseroé. Sininna linoé polé ricappa'na lao ri cappa'na Muwébbui gora-gora marennu.

ASSURENG 4:31

Namateppe'na mennang, na wettunna mennang naéngkalinga makkedaé Puwangnge pura jampangiwi bangsa Israélié sibawa mitai sininna anrasa-rasanna mennang, suju'ni mennang massompa.

YEREMIA 33:9

Mancajiwi matu Yérusalém arennuk-Ku sibawa abangkakek-Ku. Sininna bangsaé ri linoé mancaji métaui matu sibawa masélengngi enrengngé pakalebbi-Ka, narékko naéngkalingai sininna akessingeng iya Upogau'é untu' pabbanuwana Yérusalém, sibawa passalenna adécéngeng iya Uwabbéréyangngé lao ri kotaéro.”

MATIUS 15:31

Hérang senna'ni tau maégaé iya engkaé kuwaro wettunna naita tau pépé mulléi mappau, majjappa tau képpangngé, joppa tau péso'é sibawa makkita tau butaé. Nanapakalebbini mennang Allataalana bangsa Israélié.

MATIUS 21:11

Nappébali tau maégaé iya tinrosiyéngngi Yésus, “Aléna Nabi Yésus, polé ri Nazarét ri Galiléa.”

MATIUS 28:8

Mapperi-perini iyaro sining makkunraié salaiwi tampungngé. Nasibawang pappénedding métau sicampuru' marennu; lari-larini mennang untu' powadangngi iyaro gau'é lao ri ana'-ana' gurunna Yésus.

MATIUS 9:8

Wettunna naita iyaro sining tauwé kajajiyangngéro, métauni mennang sibawa napojini Allataala, saba' Allataala pura mabbéréyangngi akuwasanna iya battowa makkuwaéro lao ri rupatauwé.

LUKAS 1:65

Métauni sining balibolana, nanallebbanna iyaro karébaé ri sininna daéra buluna Yudéa.

LUKAS 1:68

“Laono mai tapojiwi Puwangngé, Allataalana bangsa Israélié! Poléni tulungngi umma'-Na sibawa paleppe'i mennang.

LUKAS 19:44

Nancuru'ko matu mennang silaong sininna pabbanuwamu; nadé' séddi batu naleppessang matu mennang tassusung ri onronna, saba' dé' mupénessaiwi wettunna Allataala polé untu' passalama'ko!”

LUKAS 2:20

Lisuni ri padangngé iyaro sining pakkampié sibawa pojiwi enrengngé pakalebbii Allataala, nasaba sininna iya puraé naéngkalinga sibawa naita, sicoco'i pada-pada iya napowadaé malaéka'é.

LUKAS 24:19

Nakkutana Yésus, “Gau' agaro?” Nappébali mennang, “Gau' kajajiyangngé lao ri Yésus, tau polé ri Nazarét. Nabiwi; ada-adan-Na sibawa pangkauken-Na makuwasa senna'i – muwi situru pakkitanna Allataala muwi situru pakkitanna sininna tauwé.

LUKAS 5:26

Bengnga manenni mennang nanapojiwi Allataala. Nasibawang tau, makkedani mennang, “Makalallaing senna' kajajiyang iya riitaé iya essoé!”

LUKAS 5:8

Wettunna naita Simon iyaro, suju'ni ri yolona Yésus, nainappa makkeda, “Salaika Puwang! Saba' tau madosaka!”

LUKAS 7:15

Moto'ni tudang kallolo iya matéro, sibawa mammula mabbicara. Nabbéréyanni Yésus lao ri indo'na.

LUKAS 7:39

Wettunna tau Farisié iya mundangngengngi Yésus naita iyaro gau'é, makkedani ri laleng atinna, “Akkalarapanna iyaé tauwé nabi, tentu Naisseng niga iyaro makkunrai géssaéngngi, sibawa iyaro makkunraié tuwoi ri laleng dosaé!”

LUKAS 8:37

Nainappa iyaro sininna pabbanuwana Gerasa naéllauni sibawa masero kuwammengngi nasalaiwi Yésus iyaro onrongngé, saba' métau senna' manenni mennang. Jaji ménré'ni Yésus ri lopié maélo lisu.

LUKAS 9:19

Nappébali mennang, “Engka makkeda Yohanés Paccemmé. Engkato makkeda Elia, iya laingngé makkedai sala séddinna nabié riyolo iya tuwoénna paimeng.”

YOHANES 1:21

Nakkutana mennang, “Rékko makkuwaitu, niga iko? Ikoga Elia?” Nappébali Yohanés, “Tenniya.” Nakkutanasi mennang, “Ikoga Nabié?” Nappébali, “Tenniya.”

YOHANES 1:25

makkutanasi, “Rékko tenniyako Arung Pappassalama'é, tenniya Elia, tenniya Nabié, magi palé mumaccemmé?”

YOHANES 4:19

Nakkeda iyaro makkunraié, “Uwissenni makkekkuwangngé, Puwang séddiwi nabi.

YOHANES 6:14

Wettunna naita tau maégaé anu makalallaing iya napogau'é Yésus, makkedani mennang, “Iya tongennaé nabi riyamménasaiyé lao ri linoé!”

YOHANES 9:17

Nakkutanasi sining tau Farisiéro lao ri tauwéro, “Aga pallolongemmu passalenna tau iya mébbuékko makkita?” Nappébali iyaro tauwé, “Nabiwi.”

RIWAYA'NA RASUL-RASUL-E 5:5

Naéngkalingana Ananias iyaro ada-adaé, mabuwanni namaté. Sininna tau méngkalingaéngngi iyaro kajajiyangngé métauni.

RIWAYA'NA RASUL-RASUL-E 7:37

Alénato Musa iya makkedaé lao ri bangsa Israélié, ‘Allataala maélo mpérékko séddi nabi iya napilé polé ri yelle'mu, pada-pada Aléna napiléka.’

GALATIA 1:24

Nanapojini mennang Allataala nasaba iyya.

ULANGENG 18:15

Sibalé'na polé ri bangsata muto maéloi suro lao ri iko séddi nabi pada-pada iyya'é, na harusu'ko mapato lao ri aléna.