LUKAS 7:14 - KITTA KAREBA MADECENG

¹⁴ Nainappa Yésus maddeppériwi uléreng ujuéro nanakarawai. Naléppanna iyaro sining tau mabbuléé. Nakkeda Yésus, “Eh kallolo, Usuroko moto!”

LUKAS 7:14 ပူးပေါင်းရင်းမြစ်များ

1 ARUNG-NGARUNG 17:21

Purairo wékkatellu Elia naoppangi iyaro ana'é, nanassempajatto, “Oh Puwang, Allataalaku, tennapodo patuwoi iyaé ana'é!”

1 ARUNG-NGARUNG 17:22

Naéngkalingani Puwangnge sempajanna Elia; iyaro ana'é mammulani mannyawa sibawa tuwo paimeng.

AYUB 14:12

makkuwatoro tolinoé iya matéénna: dé' naulléi matu tokkong paimeng. Dé' matu napésedding ri wettu engkana mupa langié, dé'na naengkana naoto polé ri tinrona.

AYUB 14:14

Saba', rékko matéi tolinoé, naulléga tuwo paimeng? Polé ri essoé lao ri essoé mattajekka narapi labe iyaé wettu apairekku.

MAZMUR 33:9

Saba' makkeda-adai, Naripancaji maneng; Namabbéréi parénta, naengka maneng.

YESAYA 26:19

Umma'-Mu iya matéénna tuwoi matu paimeng, tokkongngi matu paimeng sining ujuna. Tau iya puraénna rikuburu ri laleng tanaé tokkongngi matu sibawa gora-gora. Pada-pada cinoddo iya pétakkariyéngngi linoé, Mupatuwoi umma'-Mu iya maittaénna maté.

MARKUS 5:41

Nakkatenninni Yésus limanna iyaro ana'é nainappa makkeda, “Talita kum,” bettuwanna, “Ana' makkunrai, makkeda-Ka lao ri iko: oto'no!”

LUKAS 7:13

Wettunna Puwang Yésus naita iyaro makkunraié, messéni lao ri makkunraiéro nanakkeda, “Aja' muteri, Indo!”

LUKAS 7:15

Moto'ni tudang kallolo iya matéro, sibawa mammula mabbicara. Nabbéréyanni Yésus lao ri indo'na.

LUKAS 7:17

Tassiyani karébaé passalenna Yésus ri sininna Yudéa sibawa ri daéra seddéna.

YOHANES 11:25

Nakkeda Yésus lao ri Marta, “Iyya ritu mabbéré atuwong sibawa paoto'i tau maté. Tau iya mateppe'é ri Iyya, tuwoi matu namuni maténa.

YOHANES 5:21

Iyaro Ambo'é napaoto'i tau maté, sibawa nawéréngngi mennang atuwong tongengngé sibawa mannennungengngé; makkuwatoro Ana'é Nabbéréyangngi atuwong mannennungengngé lao ri tau iya maéloé nawéréng atuwong.

YOHANES 5:25

Ateppe'no: Poléi matu wettunna – mala narapini wettunna – naéngkalingai matu tau maté saddanna Ana'na Allataala. Na tau iya méngkalingaéngngi tuwoi matu.

ROMA 4:17

Saba' makkeda makkuwaiyé Allataala lao ri Abraham, “Purano upancaji ambo' untu' maéga bangsa.” Makkuwaniro Allataala mabbéréyangngi iyaro jancié lao ri Abraham. Namateppe'i Abraham lao ri Aléna. Aléna ritu Allataala iya patuwoéngngi tau maté; Alénato Allataala iya makkedaé bawang nanaébbui aga iya dé'é naengka mancaji engka.

EFESUS 5:12

Saba' gau'-gau' iya napogau'é mennang sibawa massubbu-subbuéro, muwi untu' ribicara bawang mappakasiri-sirito.)