LUKAS 7:13 - KITTA KAREBA MADECENG

¹³ Wettunna Puwang Yésus naita iyaro makkunraié, messéni lao ri makkunraiéro nanakkeda, “Aja' muteri, Indo!”

LUKAS 7:13 ပူးပေါင်းရင်းမြစ်များ

MAZMUR 103:13

Pada-pada séddié ambo' mamaséiwi ana'-ana'na, makkuwaniro Puwangnge mamaséiwi tau iya mateppe'é.

MAZMUR 86:15

Iyakiya Iko, oh Puwang, Allataala mamasé sibawa pasayangngé, sabbara, penno pammasé sibawa matinulu.

MAZMUR 86:5

Makessikko, oh Puwang, sibawa mupoji maddampeng, tau iya massempajangngé lao ri Iko tette'i Muwamaséi sibawa pammasé iya maonaé.

YESAYA 63:9

Aléna paimeng nakenna asussanna mennang. Dé' nakiring Puwangnge suro iyaré'ga duta; Aléna ritu paleppe'i mennang nasaba pammasé sibawa paressé babuwa-Na. Tuli napiyarai mennang riyolopa nariyolo.

YEREMIA 31:20

Israél, iko ana' uwélorik-Ku, ana' upojiyé, buwa atik-Ku. Sises-siseng Uwancakko tuli Uwéngngerakko sibawa muddani. Ugaukekko matu sibawa penno paressé babuwa.

MARKUS 8:2

“Messéka lao ri tau maégaéwé. Tellungngessoni ittana mennang silaongek-Ka, namakkekkuwangngé dé' nappunnaina mennang inanré.

LUKAS 10:1

Purairo pilési Puwangngé pituppulo ana' guru, nainappa nasuro mennang tadduwa-duwa poddiyoloiwi lao ri tungke' kota sibawa onrong iya maéloé Nalokkai.

LUKAS 11:1

Riséuwaé esso, massempajangngi Yésus riséuwaé onrong. Pajanana massempajang, sala séddinna polé ri ana'-ana' gurun-Na makkeda, “Puwang, pagguru tokki massempajang pada-pada Yohanés paggurui ana'-ana' gurun-Na massempajang.”

LUKAS 11:39

Rimakkuwannanaro makkedani Puwang Yésus ri tau Farisiéro, “Mémeng iko sining tau Farisié biyasana mupaccingiwi mangko'é sibawa penné ri saliwenna bawang, iyakiya ri laleng alému penno sibawa apéddarang enrengngé ja.

LUKAS 12:42

Nappébali Puwangngé, “Niga pattumani iya matinulué sibawa maccaé angkanna riyakka ri puwanna mancaji kapala lao risining pattumani laingngé kuwammengngi nawéréngngi nanré ri wettunna?

LUKAS 13:15

Nappébali Puwangngé, “Munapé'ko iko! Ri esso Saba'é sininna tauwé paleppe'i sapinna iyaré'ga kaleddé'na polé ri wakkéna sibawa natiwii massu untu' paénungngi.

LUKAS 17:5

Nakkeda sining rasul-é ri Puwangngé, “Puwang, péwatangekki teppe'ta.”

LUKAS 17:6

Nappébali Puwangngé, “Rékko mappunnaiko teppe' silloppo batu sawi-sawié, weddikko makkeda lao ri pong murbéiéwé, ‘Mareddu'ko namutattaneng ri tasi'é,’ pasti iyaro pong ngajué naturusi matu paréntamu.”

LUKAS 18:6

Nanakkeda Puwangngé, “Pénessaini aga napowada iyaro haking iya dé'é naadélé'!

LUKAS 19:8

Natettonna Zakhéus ri bolana makkeda lao ri Yésus, “Puwang, sitengngana waramparakku maélo uwassidekkang lao ri tau kasiyasié; sibawa nigi-nigi pura ubellé', maéloka mpajai paimeng leppe' wékkaeppa!”

LUKAS 22:61

Nagilinna Yésus nanaitai Pétrus. Nanaéngngeranni Pétrus, pura makkedai Puwangngé ri aléna, “Riwettu dé'napa naoni manu'é iya essoéwé, wékkatelluni muwassakkarek-Ka.”

LUKAS 24:3

Namuttama'na ri laleng tampungngéro, iyakiya dé' naruntu'i ujuna Yésus kuwaro.

LUKAS 24:34

Nakkedana mennanro, “Mémeng tongeng, tuwoni paimeng Puwangngé! Purani nappaitang Aléna lao ri Simon!”

LUKAS 7:12

Wettunna Yésus lettu ri seddéna pintu gerbanna kotaé, sining tauwé mattengngangngi mangantara' uju massu ri kotaé. Iya maté iyanaritu ana' worowané, ana' tungke'na séddié janda. Maéga pabbanuwana iyaro kotaé silaongengngi iyaro makkunraié.

LUKAS 7:14

Nainappa Yésus maddeppériwi uléreng ujuéro nanakarawai. Naléppanna iyaro sining tau mabbuléé. Nakkeda Yésus, “Eh kallolo, Usuroko moto!”

LUKAS 7:19

nanasuroi lao ri Puwang Yésus makkutana, “Bapa'ga tau iya maéloé polé situru jancinna Allataala, iyaré'ga harusu'ki mattajeng séddi tau laing?”

LUKAS 8:52

Teri maneng tauwé sibawa mpating nasaba maténana iyaro ana'é. Iyakiya makkedai Yésus, “Aja' muteri. Iyaro ana'é dé' namaté, matinromi bawang!”

YOHANES 11:2

Maria iyanaritu makkunrai iya tirikiyéngngi minnya' wangi ri ajéna Puwangngé, nanalullu'i sibawa gemme'na. Séuwa wettu namalasa Lazarus.

YOHANES 11:3

Iya duwa silessurennaro nabirittanni Yésus, “Puwang, silessuretta iya tamaséiyé Puwang malasai.”

YOHANES 20:13

Nakkutana iyaro sining malaéka'é, “Indo', magi muteri?” Nappébali Maria, “Riyalani Puwakku, nadé' uwissengngi kégai ritaro.”

YOHANES 20:15

Nakkutana Yésus lao ri aléna, “Indo', magi muteri? Niga tasappa indo'?” Nasengngi Maria iyaro paddare, jaji makkedani, “Pa', rékko Bapa' palétté'i polé kuwaé, tulukka tapowadakka kégai tataro Pa', kuwammengngi weddingngi uwala.”

YOHANES 4:1

Naéngkalingani sining tau Farisié makkedaé Yésus lolongengngi sibawa cemméi lebbi maéga ana' guru naiya Yohanés. (

YOHANES 6:23

Nasiyagangngaré lopi polé ri Tibérias lettu sibawa mallabu ri seddéna onronna tau maégaéro manré roti puranana Puwangngé méllau sukkuru'.

1 KORINTUS 7:30

tau iya teriyé, tuwo samanna dé' namessé ati; tau iya macawaé, samanna dé' namarennu; tau iya puraé mangelli, samanna dé' nappunnai aga-aga;

1 TESALONIKA 4:13

Saudara-saudara, macinnaki kuwammengngi muwissengngi iya sitongennaé passalenna sining tau iya matéénna; kuwammengngi dé' mumessé ati pada-pada sining tau laingngé iya dé'é nappunnai paddennuwang.

IBRANI 2:17

Bettuwanna iyaé, makkedaé harusu'i mancaji pada-pada saudara-Na ri laleng sininna gau'é. Nanallalengiro weddingngi mancaji Imang Lompo iya matinulué sibawa maressé babuwaé. Nasaba pattumaninnaro, weddingngi riyaddampengeng dosa-dosana tolinoé.

IBRANI 4:15

Iyaro Imang Lompota tenniya imang iya dé'é naulléi maccowé péneddingiwi sining alemmatta. Sibalé'na, purani ricobai ri sininna gau'é, pada-pada muto idi; banna Aléna dé' napogau' dosa!

HAKING-HAKING 10:16

Nanabuwanni mennang sininna dato-dato barahalaé, nanasompai Allataala. Namesséna atinna Allataala mitai mennang ri laleng asukkarakengngé.