LUKAS 7:12 - KITTA KAREBA MADECENG

¹² Wettunna Yésus lettu ri seddéna pintu gerbanna kotaé, sining tauwé mattengngangngi mangantara' uju massu ri kotaé. Iya maté iyanaritu ana' worowané, ana' tungke'na séddié janda. Maéga pabbanuwana iyaro kotaé silaongengngi iyaro makkunraié.

LUKAS 7:12 ပူးပေါင်းရင်းမြစ်များ

KAJAJIYANG 22:12

Nakkeda Puwangnge naolai malaéka'éro, “Aja' mupeddiriwi iyaro ana'é iyaré'ga magagai. Uwissenni makkekkuwangngé makkedaé mappakalebbiko sibawa turu lao ri Iyya, nasaba dé' musampéyangngi untu' mabbéréyangngi ana'mu iya tungke''éro lao ri Iyya.”

KAJAJIYANG 22:2

Adanna Allataala, “Laono ri tana Moria sibawa Ishak, ana' tungke'mu, iya muwamaséi senna'é. Kuwaro, ri séddié bulu iya Ujellokengngékko matu, akkasuwiyangengngi ana'mu selaku akkarobangeng ritunu lao ri Iyya.”

2 SAMUEL 14:7

Na makkekuwangngé, sininna kaluwargana atatta musui atatta sibawa natuntu'na kuwammengngi nabbéréyangngi ana'na atatta iya paunoéro lao ri mennang, kuwammengngi nahukkungngi sibawa pahukkungeng maté. Saba' purai nauno silessurenna. Rékko nabbéréyangngi atatta iyaro ana'é, monroni atatta alé-aléna. Maéloi mennang mancuru'i amménasang séddi-séddinna atatta sibawa dé' natarongengngi séddi ana' worowané lao ri lakkainna atatta untu' patterui wija-wijanna.”

1 ARUNG-NGARUNG 17:12

Nappébali iyaro jandaé, “Nasabbing Puwang iya tuwoé, Allataala iya nasompaé Bapa', mattanroka makkedaé dé' uwappunnai roti. Banna mappunnaika sikemmo labbu tarigu ri laleng mangko'é, sibawa céddé minnya zaitun ri laleng botolo'é. Paddeppungekka aju tunung untu' nasui iyaro bahang céddé'é, kuwammengngi weddikka manré silaong ana'ku. Iyanaro inanréta paccappurengngé; purairo ritajeng mani bawang amatétta.”

1 ARUNG-NGARUNG 17:18

Namakkeda iyaro jandaé lao ri Elia, “Atanna Allataala, magi napogau'i Bapa' gau'éwé lao ri iyya? Poléiga Bapa' untu' nassabariwi Allataala naéngngerangngi dosaku, angkanna harusu'i maté ana'ku?”

1 ARUNG-NGARUNG 17:23

Nainappa nonno Elia polé ri bili'na nanatiwi towi iyaro ana'é lao ri indo'na sibawa makkeda, “Bu, engkaniyé ana'na Ibu! Tuwoni paimeng!”

1 ARUNG-NGARUNG 17:9

“Makkekkuwangngé harusu'ko lao ri kota Sarfat, seddéna Sidon sibawa monro kuwaro. Purani usuro séddié janda kuwaro kuwammengngi nawérékko inanré.”

2 ARUNG-NGARUNG 4:16

Namakkeda Elisa lao ri aléna, “Taung mangoloé, ri wettu pada-padaéwé, mépa'ni Ibu séddi ana'lolo worowané.” Nakkeda iyaro makkunraié, “Pa' aja' tabbellé! Uwaseng atannaki Allataala!”

2 ARUNG-NGARUNG 4:20

Ritiwini iyaro ana'é ri indo'na, nainappa indo'na riwai. Ri arawénnana maténi iyaro ana'é.

AYUB 29:13

Napojika tau iya masussa senna'é, utulungngi sining jandaé angkanna amang mennang.

ZAKHARIA 12:10

Nainappa wija-wijanna Daud enrengngé pabbanuwana Yérusalém Uwéréngngi matu ati iya pojiyéngngi mamasé sibawa pojiyéngngi massempajang. Naitai matu mennang iya puraé nagajang mennang sibawa mpatingiwi pada-pada tau mpatingiyéngngi amaténna ana' tungke'na. Mpatingngi matu mennang sibawa mamasé, pada-pada tau iya ateddéngengngénna ana' macowa.

LUKAS 7:11

Dé' namaitta ri munrinna, laoni Yésus ri kota Nain. Ana'-ana' gurun-Na sibawa tau maégaé laowi sibawangngi.

LUKAS 7:13

Wettunna Puwang Yésus naita iyaro makkunraié, messéni lao ri makkunraiéro nanakkeda, “Aja' muteri, Indo!”

LUKAS 8:42

nasaba séddi-séddinna ana' makkunrainna iya seppuloé duwa taung umuru'na céddé'pi namaté. Wettunna Yésus joppa lao ri bolana Yairus, sining tauwé redde'i Yésus polé tulili.

LUKAS 8:52

Teri maneng tauwé sibawa mpating nasaba maténana iyaro ana'é. Iyakiya makkedai Yésus, “Aja' muteri. Iyaro ana'é dé' namaté, matinromi bawang!”

YOHANES 11:19

Maégani tau Yahudi polé célléngiwi Marta sibawa Maria untu' saléworiwi mennang nasaba amaténna silessurenna.

RIWAYA'NA RASUL-RASUL-E 9:39

Natteruna moto Pétrus naccowériwi mennang. Lettu'nana kuwaro, ritiwini ménré ri bili ri yasé. Sininna jandaé kuwaro katulungngi Pétrus naterito sibawa mappaitangngi sining waju sibawa sining jumba iya rijairengngéngngi ri Dorkas wettunna tuwo mupa.

RIWAYA'NA RASUL-RASUL-E 9:41

Nainappa Pétrus makkatenningngi limanna sibawa natulunna tettong. Nainappa naobbi Pétrus sining tau mateppe'é kuwaro silaong sining iyaro jandaé, nainappa nabbéréyang Dorkas iya tuwoénnaro lao ri mennang.

YAKOBUS 1:27

Atinulurengngé maggama iya mapaccingngé sibawa tuléngngé manuru' pakkitanna Allataala Ambo'é iyanaritu: tulungngi ana'-ana' biué sibawa janda-janda iya manrasa-rasaé, sibawa jagaiwi alé paimeng kuwammengngi dé' narisolangi ri linoéwé.