LUKAS 6:7 - KITTA KAREBA MADECENG

⁷ Engka siyagangngaré guru agama sibawa tau Farisi maélo sappai asalanna Yésus, kuwammengngi weddingngi napparapekeng. Jaji matterui napénessai maéloiga pajjappai tauwé ri esso Saba'é.

LUKAS 6:7 ပူးပေါင်းရင်းမြစ်များ

MAZMUR 38:12

Massala sellao-sellaoku nasaba lasaku, mala sahaba'ku mabélaika.

YESAYA 29:21

tau iya pojiyéngngi mappétenna, tau iya pésangkaiyéngngi tau majaé rihukkung, sibawa tau iya pallebbangngé curita-curita bellé kuwammengngi dé' nalolongeng adélékeng tau malempué.

YEREMIA 20:10

Paéngkalingai tauwé mabbici-bici kégi-kégi, “Kalallani taué! Laono mai talaporo'i lao ri iya makuwasaé!” Mala sininna sahaba maréppé'ku tajengngi asempékekku. Adanna mennang, “Naullé nasibawang pappalécé, taulléi caui, kuwammengngi taulléi makkabale lao ri aléna.”

MATIUS 5:39

Iyakiya makkekkuwangngé makkeda-Ka lao ri iko: Aja' muwakkabale lao ri tau pogau'é ja lao ri iko. Sibalé'na rékko naleppa'i tauwé pili ataummu, leppessangngi siya naleppa towi pili abéyomu.

MARKUS 3:2

Na kuwaro engka tau maélo sappai asalanna Yésus, kuwammengngi weddingngi riyapparapekeng. Jaji napénessaini matteru, maéloiga pajjappai tauwé ri esso Saba'é.

LUKAS 13:14

Macaini iyaro kapalana bola assompangngé, nasaba mappajjappai Yésus ri esso Saba'é, rimakkuwannanaro makkedai lao risining tauwé, “Engka enneng essona untu' majjama; poléno ri esso-essoéro untu' mappajjappa, aja' na ri esso Saba'é!”

LUKAS 20:20

Jaji sappani kasempatang iya makessingngé. Nanasogo'ni mennang tauwé untu' majjaiwi selaku tau lempu, nanasuroi sining tauwéro untu' palaiwi siyo-siyo Yésus sibawa pakkutana-pakkutanana, kuwammengngi naulléi mabbéréyangngi lao ri akuwasanna gubernur-é.

YOHANES 9:16

Engka siyagangngaré ri yelle'na sining tau Farisiéro makkeda, “Dé' nakkullé tau iya pogau'éngngi iyaé assalenna poléi ri Allataala, saba' dé' najampangiwi esso Saba'é.” Iyakiya makkedai tau laingngé, “Masa' naullé tau madosaé pogau'i anu makalallaing pada-padaéwé?” Namompona assisalang pallolongeng ri yelle'na mennang.