LUKAS 6:18 - KITTA KAREBA MADECENG

¹⁸ Poléi mennang untu' méngkalingai Yésus sibawa ripajjappa polé risining lasana. Mennang iya nauttamakiyé roh maja polé towi sibawa ripajjappa.

LUKAS 6:18 ပူးပေါင်းရင်းမြစ်များ

MATIUS 15:22

Engka séddi makkunrai Kanaan polé ri daéraéro lao ri Yésus nagora-gorato, “Ana' Daud, amaséika! Nauttamakiwi sétang ana' makkunraikku. Namaladde senna.”

MATIUS 17:15

nakkeda, “Bapa', amaséiwi ana'ku. Malasa sésé manu'-manu'kengngi. Makkumani serona iyaro lasa sésé manu'-manu'kenna angkanna biyasai sempé ri lalenna apié sibawa biyasa towi sempé ri lalenna uwai.

LUKAS 6:17

Nonnoni Yésus polé ri bulu-buluéro silaong rasul-rasul-éro, nainappa tettong mappésau riséuwaé onrong iya malappaé. Naengkato kuwaro maéga ana'-ana' gurun-Na laingngé sibawa maéga tau iya polé tulilié ri sininna Yudéa, Yérusalém enrengngé kota-kota Tirus sibawa Sidon ri wiring tasi'é.

LUKAS 6:19

Sininna tauwé makkuragani untu' karawai Yésus, nasaba engka akuwasang massu polé ri Aléna iya pajjappa manengngéngngi mennang.

RIWAYA'NA RASUL-RASUL-E 5:16

Mallompéngeng sining tauwé polé ri kota-kotaé seddéna Yérusalém. Natiwii mennang sining taunna malasaé sibawa iya nauttamakiyé roh-roh maja. Naripajjappa maneng iyaro tauwé.