LUKAS 6:12 - KITTA KAREBA MADECENG

¹² Iyaro wettué ménré'ni Yésus riséuwaé bulu-bulu untu' massempajang. Kuwaniro massempajang lao ri Allataala puppu benni.

LUKAS 6:12 ပူးပေါင်းရင်းမြစ်များ

MAZMUR 22:2

Allataalaku, oh Allataalaku, magi Musalaika? Mangobbika, iyakiya tette'-Ko mabéla sibawa dé' natulukka.

YESAYA 26:9

Nasénge'-Ko nyawaku ri wennié, nauddaningi-Ko atikku ri éléé. Rékko Muadéléki linoé matti, naissengngi matu pabbanuwana linoé aga iya tongengngé.

DANIEL 6:10

Nanatékénni Arung Darius sure' paréntaéro.

MATIUS 5:1

Wettunna naita Yésus tau maégaéro, menré'ni ri tompo'-Na bulu-bulué. Tudannana, poléni ri Aléna sining tau iya maccowériyéngngi,

MATIUS 6:6

Iyakiya rékko massempajakko, uttama'ko ri bili'é, namutongkoi tange'na, namumassempajang ri Ambo'mu iya dé'é napaitaro. Na Ambo'mu iya mitaéngngi pangkaukemmu tassubbué mpérékko matu saro.

MARKUS 1:35

Pappa bajanana, subu-subu mupa, moto'ni Yésus nanasalaiwi bolaé. Nalao ri onrong masino-sinoé ri saliweng kota, nassempajang kuwaro.

MARKUS 3:13

Nainappa Yésus ménré riséddié bulu-bulu, sibawa naobbii sining tau Naéloriyé. Napoléna iyaro sining tauwé,

MARKUS 6:46

Puranana naleppessang tau maégaéro, laoni Yésus ri bulu-bulué untu' massempajang.

LUKAS 5:16

Purairo laoni Yésus massempajang ri onrong masino-sinoé.

LUKAS 6:11

Iyakiya macai senna'i iyaro guru-guru agamaé sibawa sining tau Farisié, nappammulana barunding, aga wedding napogau' mennang lao ri Yésus.

LUKAS 6:17

Nonnoni Yésus polé ri bulu-buluéro silaong rasul-rasul-éro, nainappa tettong mappésau riséuwaé onrong iya malappaé. Naengkato kuwaro maéga ana'-ana' gurun-Na laingngé sibawa maéga tau iya polé tulilié ri sininna Yudéa, Yérusalém enrengngé kota-kota Tirus sibawa Sidon ri wiring tasi'é.

LUKAS 9:18

Riséuwaé esso, wettunna Yésus massempajang alé-aléna, poléni ana'-ana' gurun-Na. Makkutanani Yésus lao ri mennang, “Manuru' adanna tauwé, niga Iyya'é?”

LUKAS 9:28

Kira-kira siminggu purana nappagguruwang Yésus gau'-gau'éro, natiwini Pétrus, Yohanés sibawa Yakobus ri yasé'na séddié bulu untu' massempajang.

LUKAS 9:29

Ri wettu massempajanna Yésus kuwaro, tappinrani tappa-Na sibawa pakéyan-Na mancaji maputé millakkillang.

YOHANES 6:3

Ménré'ni Yésus ri yasé'na bulué, natudang kuwaro sibawa ana'-ana' gurun-Na.

KOLOSE 4:2

Sitinajako massempajang sibawa matinulu enrengngé jaga-jaga, nasukkuru'to lao ri Allataala.

IBRANI 5:7

Wettunna Yésus tuwo ri linoéwé, massempajangngi enrengngé maréllauwi sibawa gora kuwaéttopa teri lao ri Allataala, iya mullé mappassalama' polé ri amaténgngé. Nasaba tunru'i ri Allataala sibawa mappakalebbi, nariyéngkalingai.

1 SAMUEL 15:11

“Massesse kalé-Ka pura makkai Saul mancaji arung, saba' mabbokoni polé ri Iyya, sibawa dé' napogau'i parénta-Ku.” Messéni Samuél, na puppu benni madaréké lao ri Puwangnge.