LUKAS 6:10 - KITTA KAREBA MADECENG

¹⁰ Nakkita Yésus mattulili lao ri iya maneng mennang, nainappa makkeda lao ri tauwéro, “Loro'i limammu.” Iyaro tauwé naloro'ni limanna, najjappana limanna.

LUKAS 6:10 ပူးပေါင်းရင်းမြစ်များ

1 ARUNG-NGARUNG 13:6

Namakkedana Arung Yérobéam lao ri nabiéro, “Tulunna muwassempajangekka ri Puwang Allataalamu. Ellauni paressé babuwa-Na untu' pajjappai taiyyaku!” Namassempajanna iyaro nabié lao ri Puwangnge, namajjappana taiyyana arungngé.

MAZMUR 107:20

Napajjappai mennang sibawa parénta-Na, sibawa paleppe'i mennang polé ri kalebbonna kuburu'é.

MARKUS 3:5

Nakkitana Yésus mattulili sibawa macai. Iyakiya messé towi, nasaba matedde ati senna'i mennang. Nainappa makkeda lao ri tauwéro, “Loro'i limammu.” Naloro'ni limanna iyaro tauwé, najjappana limanna.

LUKAS 6:11

Iyakiya macai senna'i iyaro guru-guru agamaé sibawa sining tau Farisié, nappammulana barunding, aga wedding napogau' mennang lao ri Yésus.

LUKAS 6:9

Nainappa makkutana Yésus risining tau engkaé kuwaro, “Manuru' agamaé, aga harusu' ripogau' ri esso Saba'é? Pogau'i makessingngé iyaré'ga majaé? Passalama'i tauwé iyaré'ga cilakaiwi?”

YOHANES 5:8

Nakkeda Yésus lao ri tauwéro, “Oto'no, akkai tappérému namujoppa.”