LUKAS 5:8 - KITTA KAREBA MADECENG

⁸ Wettunna naita Simon iyaro, suju'ni ri yolona Yésus, nainappa makkeda, “Salaika Puwang! Saba' tau madosaka!”

LUKAS 5:8 ပူးပေါင်းရင်းမြစ်များ

2 SAMUEL 6:9

Iyakiya métau towi Daud ri Puwangnge sibawa makkeda, “Makkekkuwangngé pékkugini Petti Assijancingngéro weddingngi utiwi?”

1 ARUNG-NGARUNG 17:18

Namakkeda iyaro jandaé lao ri Elia, “Atanna Allataala, magi napogau'i Bapa' gau'éwé lao ri iyya? Poléiga Bapa' untu' nassabariwi Allataala naéngngerangngi dosaku, angkanna harusu'i maté ana'ku?”

ASSURENG 20:19

Nakkeda mennang lao ri Musa, “Iko bawanna mabbicara lao ri idi, maéloki méngkalingai; iyakiya aja'na na Allataala mabbicara lao ri idi, matéki matti.”

YESAYA 6:5

Nainappa makkedaka, “Cilaka! Dé'na amménasanna ri aléku, saba' macarépai témukku nasaba dosa, namonroka ri yelle'na bangsa iya makkuwaéttoro. Namuni makkuwaro, nasibawang mata ulukku purani uwita Arungngé, Puwang Iya Pommakuwasaé!”

MATIUS 17:6

Wettunna ana'-ana' gurunna Yésus méngkalingai iyaro saddaé, makkumani tauna mennang angkanna tassulung ri tanaé.

MATIUS 2:11

Muttama'ni mennang ri laleng bolaéro nanaitai iyaro Ana'é sibawa Maria, indo'-Na. Suju'ni mennang nanasompai iyaro Ana'é, nainappa natimpa onrong waramparanna, nanakkasuwiyangengngi lao ri ana'éro ulaweng, kamennyang, sibawa mur.

MATIUS 8:8

Nappébali iyaro parawiraé, “Aja'na Pa'. Dé' usitinaja tarimaki ri laleng bolaku. Tapparéntanni bawang Pa'. Najjappa matu iyaro pattumanikku.

LUKAS 5:7

Rimakkuwannanaro méllau tulunni mennang ri sellao-sellaona ri lopi laingngé. Poléni sining sellaona mennang lisekiwi iya duwa lopiéro penno sibawa balé angkanna maéloni tallemme' iyaro sining lopié.

LUKAS 5:9

Héranni Simon sibawa sininna tau iya naéwaé silaong mitai égana balé natikkeng mennang.

YOHANES 11:32

Wettunna Maria lettu ri onronna Yésus sibawa naitani, makkaluttuni Maria ri yolo-Na sibawa makkeda, “Puwang, akkalarapanna engkaki Puwang kuwaé wettuéro, tentu dé' namaté ana' buranéku.”

1 KORINTUS 13:12

Aga iya riitaé makkekkuwangngéwé iyanaritu pada-padai wajo-wajoé iya massalawué ri cammingngé. Iyakiya matti riitai matu matteru sibawa manessa. Makkekkuwangngéwé dé'pa uwisseng manengngi, iyakiya matti uwissengngi matu sini-sininnaé pada-pada Allataala missengngi passalekku.

WAHYU 1:17

Wettukku mitai Aléna, mabuwanna ri yolo-Na pada-pada tau maté. Iyakiya napalénne'i lima ataun-Na ri iyya nainappa makkeda, “Aja' mumétau! Iyya'na iya pammulangngé sibawa iya paccappurengngé.

HAKING-HAKING 13:22

Nanakkeda Manoah lao ri bainéna, “Pasti matéki matu saba' puraki mitai Allataala!”

1 SAMUEL 6:20

Namakkeda pabbanuwana Bét-Sémes, “Nigana wedding tahang ri yolona Puwangnge, Allataala Iya Mapaccingngéro? Kégani iyaro Pettié harusu riyantara kuwammengngi namabéla polé ri idi?”