LUKAS 5:6 - KITTA KAREBA MADECENG

⁶ Puranana napogau' iyaro gau'é, lolongenni mennang makkumani égana balé angkanna mammulani sapé' jalana.

LUKAS 5:6 ပူးပေါင်းရင်းမြစ်များ

PAKKATOBBA 11:6

Ampoi binému ri éléé sibawa aja' muwappésau ri wennié. Saba' dé' taissengngi ampo kégaénna makessing tuwona. Naulléto tuwo duwai sibawa sukku.

LUKAS 5:7

Rimakkuwannanaro méllau tulunni mennang ri sellao-sellaona ri lopi laingngé. Poléni sining sellaona mennang lisekiwi iya duwa lopiéro penno sibawa balé angkanna maéloni tallemme' iyaro sining lopié.

RIWAYA'NA RASUL-RASUL-E 2:41

Maéga tau mateppe' lao ri iya napowadaé Pétrus, nainappa mennang ricemmé. Na jumellana tau mateppe'é iyaro essoé tattambai sibawa tellussebbu tau.

RIWAYA'NA RASUL-RASUL-E 4:4

Iyakiya sining tau iya méngkalingaéngngi pappagguruwanna iyaro sining rasul-é, maéga mateppe'. Natattambana jumellana mennang narapi kira-kira limassebbu tau.

1 KORINTUS 15:58

Rimakkuwannanaro, Saudara-saudara iya uwamaséiyé, sitinajako mawatang sibawa makkamasé. Ajjamani' matteru untu' Puwangngé sibawa mattonget-tongeng, saba' muwissenni makkedaé sininna iya mupogau'é untu' Puwangngé, dé' nasiya-siya matu.

GALATIA 6:9

Rimakkuwannanaro, aja' tacau pogau'i gau'-gau' iya makessingngé; saba' rékko dé' tappésau pogau'i gau'-gau'éro séuwa wettu riduppai matu wassélé'na.