LUKAS 5:32 - KITTA KAREBA MADECENG

³² Polé-Ka tenniya untu' mobbii sining tau tongengngé, sangadinna sining tau madosaé kuwammengngi natoba' mennang polé ri dosa-dosana.”

LUKAS 5:32 ပူးပေါင်းရင်းမြစ်များ

YESAYA 57:15

Saba' makkuwaiyé adanna Allataala Iya Pommatanré sibawa mapaccingngé, iya makuwasaé untu' mannennungeng, “Monroka ri onrong iya matanré sibawa mapaccingngé, iyakiya ri yelle'nato sining tau iya mariyawa atié sibawa iya sesse'éngngi dosa-dosana, untu' palisui sumange'na sibawa amménasanna mennang.

MATIUS 18:10

“Atike'ko! Aja' mupakatunai sala séddinna polé risining tau iya marenni'éwé. Saba' éngngerangngi, sining malaéka'na mennang tuli engkai ri yolona Ambo'-Ku ri surugaé. [

MATIUS 9:13

Salidikiwi aga bettuwanna aya'na Kitta'éwé: ‘Paressé babuwa Uwélori, tenniya akkarobangeng olokolo'.’ Saba' engka-Ka polé tenniya untu' mobbii tau iya tongengngénna, sangadinna tau iya madosaé.”

MARKUS 15:10

Saba' nasadariwi Pilatus makkedaé kapala-kapala imangngé mabbéréyangngi Yésus lao ri Pilatus nasaba mangémpurui.

MARKUS 15:7

Ri laleng tarungkué, ri yelle'na sining tau maronta'é iya pogau'éngngi abbunowangngé ri wettu akacaungengngé, engka séddi tau riyaseng Barabas.

MARKUS 2:17

Naéngkalingai Yésus pakkutanana mennanro, nanappébali, “Tau madisingngé dé' napparelluwang dottoro'; bannami tau malasaé bawang. Polé-Ka tenniya untu' mobbii tau iya mangga'éngngi aléna makessing, sangadinna tau iya riyangga'é matuna.”

LUKAS 15:10

Makkuwatoniro malaéka'na Allataala marennui rékko engka séddi tau maja toba' polé ri dosa-dosana. Ateppe'no!”

LUKAS 15:7

Nah, makkuwaniro ri surugaé, engka ariyo-riyong iya lebbi battowaé nasaba toba'na séddié tau madosa, naiya lao ri aséraé pulona aséra tau iya makessingngé dé'é naparellu toba'.”

LUKAS 19:10

Ana'na Tolinoé poléi untu' sappai sibawa passalama'i tau iya pusaé.”

LUKAS 24:47

Makkuwatoro ri laleng asenna iyaro Arung Pappassalama'é harusu'i riyabbirittang lao ri sininna bangsaé makkedaé harusu'i toba' rupa tauwé, sibawa Allataala maddampengengngi dosaé. Na iyaro karébaé harusu'i riyabbirittang mappammulai ri Yérusalém.

LUKAS 5:31

Nappébali Yésus, “Tau madisingngé dé' napparelluwang dottoro', banna tau malasaé bawang.

LUKAS 5:33

Nakkeda sining tauwé lao ri Yésus, “Ana'-ana' gurunna Yohanés sibawa ana' gurunna tau Farisié biyasai mappuwasa sibawa massempajang. Iyakiya ana'-ana' gurum-Mu manréi sibawa ménungngi.”

RIWAYA'NA RASUL-RASUL-E 17:30

Iyaro wettué nallupaini Allataala adonggotta, iyakiya makkekkuwangngé nasuro manengngi tauwé ri sininna linoé toba' polé ri dosa-dosana.

RIWAYA'NA RASUL-RASUL-E 2:38

Nappébali Pétrus, “Toba'no polé ri dosa-dosamu sibawa sitinajako tungke'-tungke' ricemmé ri laleng asenna Yésus Kristus, kuwammengngi nariyaddampengeng dosa-dosamu. Namutarimai matu hadiya Rohna Allataala polé ri Allataala.

RIWAYA'NA RASUL-RASUL-E 20:21

Muwi lao risining tau Yahudié muwi lao risining tau bangsa laingngé tuli mabbéréka papparéngngerang kuwammengngi natoba' mennang polé ri dosa-dosana sibawa lao ri Allataala, enrengngé mateppe' ri Puwang Yésus.

RIWAYA'NA RASUL-RASUL-E 3:19

Rimakkuwannanaro, toba'no polé ri dosa-dosamu sibawa lisuno ri Allataala, kuwammengngi naleddai dosa-dosamu.

RIWAYA'NA RASUL-RASUL-E 3:26

Iyanaro saba'na Allataala piléi Atan-Na, nainappa nasuro lao ri iko lebbi riyolo, kuwammengngi nabarakkakiko. Carana mabbarakkaki iyanaritu naébbui Saudara-saudara toba' polé ri atuwo-tuwommu majaé.”

RIWAYA'NA RASUL-RASUL-E 5:31

Napurani riwéréng ri Allataala tudangeng sibawa akuwasang iya matanré selaku Pamimping sibawa Pappassalama'; kuwammengngi nariwéréng kasempatang bangsa Israélié untu' toba' polé ri dosa-dosana sibawa riyaddampengeng.

2 PETRUS 3:9

Dé' namatengnge Puwangngé mabbéréyangngi aga iya puraé najjanciyang, namuni engka masengngi makkuwaro. Sibalé'na, sabbara'i lao ri iko, saba' dé' namaélo muwi séddi tau binasa. Macinnai kuwammengngi sininna tauwé natoba' polé ri dosa-dosana.