LUKAS 5:30 - KITTA KAREBA MADECENG

³⁰ Engka siyagangngaré tau Farisi sibawa guru-guru agama dé' namasennang, nanakkeda ri ana'-ana' gurunna Yésus, “Magi mumanré ménung maneng sibawa passinge' simaé sibawa sining tau dé'é namakessing?”

LUKAS 5:30 ပူးပေါင်းရင်းမြစ်များ

YESAYA 65:5

Makkedai mennang ‘Laono mabéla-béla, aja' mugéssaki saba' mapaccikki sibawa mallaikki polé ri iko!’ Dé' Utahang mitai kédo-kédona mennang! Cai-Ku lao ri mennang pada-padai api iya dé'é naengka napeddé.

MATIUS 5:46

Saba' rékko iyami muwamaséi tau iya mamaséiyékko, untu' aga Allataala harusu' nawale' pangkaukemmuro? Dé'ga nasining passinge' simaé pogau' towi makkuwaéro?

MATIUS 9:11

Engka tau Farisi mitai gau'éro. Nakkutanana mennang ri ana'-ana' gurunna Yésus, “Aga saba'na gurummu namanré sisama passinge' simaéro enrengngé sining tau iya dé'é namakessing?”

MARKUS 2:16

Engka siyagangngaré guru agama polé ri golongang Farisié mitai Yésus manré sisama passinge'-singe' simaé sibawa sining tau iya riyangga'é majaro. Jaji makkutanani mennang ri ana'-ana' gurunna Yésus, “Magi gurummu nanré sisama passinge'-singe' simaé sibawa sining tau majaéro?”

MARKUS 7:3

Sining tau Farisié, makkuwatoro sininna tau Yahudié, mapato senna' maccowériwi ade'na néné-nénéna mennang. Dé' nanré mennang, ri wettu dé'napa nabissaiwi jarinna situru cara-carana pura ripattentué.

MARKUS 9:16

Nakkutana Yésus ri ana'-ana' gurun-Na, “Agasi muwassipangéwangi sibawa guru-guru agamaéro?”

LUKAS 18:11

Iyaro tau Farisié natampuiwi arona namassempajang ri laleng ati, ‘Oh Allataala, mattarima kasi'ka ri Idi, saba' dé' upada-pada tau laingngé, iya mangowaé, macéko-céko iyaré'ga malaweng. Sukkuru'ka saba' dé' upada iyaro passinge' simaé.

LUKAS 19:7

Sininna tauwé iya mitaéngngi gau'éro mammulani mannoko'-noko'. Makkedani mennang, “Cih! Laowi massurolellang ri bolana tau iya dé'é namakessing!”

LUKAS 5:17

Riséuwaé esso wettunna Yésus mattengngang mappagguru, engka siyagangngaré tau Farisi sibawa guru-guru agama tudang kuwaro. Poléi mennang ri Yérusalém, sibawa ri kota-kotaé ri Galiléa enrengngé Yudéa. Akuwasanna Puwangngé engkai ri Yésus untu' pajjappai sining tau malasaé.

LUKAS 5:21

Sining guru agamaé sibawa sining tau Farisié mammulani makkeda séddié lao ri laingngé, “Niga iyaé tauwé nabarani cellai Allataala? Niga wedding maddampengengngi dosaé, rilainnaé Allataala?”

LUKAS 7:34

Poléi Ana'na Tolinoé – manréi sibawa ménung – mumakkeda, ‘Itai iyaro tauwé! Mabuwaja, pammabokeng, sellaona passinge' simaé sibawa sellaona tau madosaé.’

LUKAS 7:39

Wettunna tau Farisié iya mundangngengngi Yésus naita iyaro gau'é, makkedani ri laleng atinna, “Akkalarapanna iyaé tauwé nabi, tentu Naisseng niga iyaro makkunrai géssaéngngi, sibawa iyaro makkunraié tuwoi ri laleng dosaé!”

RIWAYA'NA RASUL-RASUL-E 23:9

Naompona rukka masero. Siyagangngaré tau Farisi iya mancajiyé guru agama tettong sibawa tonget-tongeng méwai. Makkedai mennang, “Manuru' idi, iyaé tauwé dé' napasala muwi céddé! Naullé mémeng engka roh iyaré'ga malaéka' iya mabbicaraé ri aléna!”