LUKAS 5:3 - KITTA KAREBA MADECENG

³ Naénré'na Yésus risala séddinna iyaro sining lopié, iyanaritu lopinna Simon, nainappa nasuro Simon sorongngi iyaro lopinna mabéla céddé polé ri wiring. Natudanna Yésus ri laleng lopiéro, nanapaggurui tau maégaé.

LUKAS 5:3 ပူးပေါင်းရင်းမြစ်များ

MATIUS 4:18

Wettunna Yésus mattengngang joppa ri wirinna Tappareng Galiléa, mitani duwa pakkaja, iyanaritu Simon (iya riyasengngétto Pétrus) sibawa anrinna, Andréas. Mattengngangngi mennang mattikkeng balé ri tapparengngéro sibawa jala.

MARKUS 3:10

Maéga senna' tau napajjappa, angkanna sininna tau malasaé siredde-redde makkuraga maddeppériwi kuwammengngi weddingngi nakarawai.

MARKUS 3:9

Iyaro tauwé makkumani égana, angkanna Yésus suroi ana'-ana' gurun-Na passadiyangengngi lopi, saba' ajakké riredde'i risining tauwéro.

LUKAS 5:2

Naitani Yésus engka duwa lopi ri wirinnaro; sining pakkajana nonnoni polé ri lopiéro namattengngang bissaiwi jalana.

YOHANES 8:2

Pappa bajanana maélé senna'ni laosi ri Bolana Allataala, namaéga tau lao ri Aléna. Tudanni Yésus, nappammula paggurui mennang.