LUKAS 5:24 - KITTA KAREBA MADECENG

²⁴ Iyakiya maélo-Ka buttikangngi makkekkuwangngé lao ri iko makkedaé Ana'na Tolinoé makuwasai ri yasé'na linoéwé untu' maddampengengngi dosaé.” Nainappa makkeda Yésus lao ri tau péso'éro, “Oto'no, akkai onrong atinrommu, namulisu!”

LUKAS 5:24 ပူးပေါင်းရင်းမြစ်များ

YESAYA 53:11

Rimakkuwannanaro makkedai Puwangnge, “Puranana nakenna anrasa-rasang, masennangngi matu sibawa massaunna. Iyaro atak-Ku, iya pésennangiyéngngi atik-Ku, purani natanggung pahukkungenna tau maégaé; nasaba aléna Uwaddampengengngi matu mennang.

DANIEL 7:13

Ri laleng pakkitakku iyaro wennié, uwitai séuwa iya pada-padaé tolino. Poléi sibawa riyattulilingi ri ellungngé nainappa lao ri Aléna iya tuwoé mannennungeng sibawa riyappaddissengeng lao ri aléna.

MATIUS 16:13

Laoni Yésus ri daéra seddéna kota Kaisaréa Filipi. Nakkutanana kuwaro lao ri ana'-ana' gurun-Na, “Manuru' adanna tauwé, niga iyaro Ana'na Tolinoé?”

MATIUS 25:31

“Rékko poléi Ana'na Tolinoé selaku Arung ritinrosi ri sininna malaéka'-Na, tudangngi matu ri yasé'na kadéra arajan-Na iya malebbié.

MATIUS 26:64

Nappébali Yésus, “Makkuwaitu adatta puwang. Iyakiya ateppe'no: mappammulai makkekkuwangngé, muwitai matu Ana'na Tolinoé tudang ri seddé ataunna Allataala Iya Pommakuwasaé, sibawa polé ri yasé'na ellungngé ri langié!”

MATIUS 28:18

Maddeppéni Yésus ri mennang, nakkeda, “Sininna akuwasangngé ri surugaé sibawa ri linoé purani riyabbéréyang ri Iyya.

MATIUS 4:24

Iyaro karébaé passalenna Yésus mallebbanni risininna wanuwa Siria, angkanna maéga tau lao ri Aléna. Natiwii mennang sining tau iya nakennaé maddupa-rupang lasa, sibawa maddupa-rupangngé asussang: sining tau atama-tamangngé roh maja, malasa maté manu'-manu'é, sibawa iya péso'é napajjappa manengngi Yésus.

MATIUS 9:6

Iyakiya makkekkuwangngé maélo-Ka pabuttiwi ri iko makkedaé Ana'na Tolinoé makuwasai ri yasé'na linoéwé untu' maddampengengngi dosaé.” Nainappa makkeda Yésus lao ri tau péso'éro, “Oto'no, akkai onrong atinrommu namulao!”

LUKAS 5:13

Nakarawani Yésus iyaro tauwé nakkedato, “Upuwéloi, ajjappano!” Iyatoro wettué najjappa lasana.

LUKAS 5:18

Iyaro wettué engka siyagangngaré tau polé tiwi séddi tau péso' iya léwué ri yasé'na onrong atinrongngé. Makkuragai mennang tiwii iyaro tauwé ri lalempola kuwammengngi naulléi palénne'i ri yolona Yésus.

LUKAS 5:23

Kéga lebbi gampang makkeda, ‘Riyaddampengenni dosamu’, iyaré'ga makkeda, ‘Oto'no namujoppa!’

LUKAS 7:14

Nainappa Yésus maddeppériwi uléreng ujuéro nanakarawai. Naléppanna iyaro sining tau mabbuléé. Nakkeda Yésus, “Eh kallolo, Usuroko moto!”

LUKAS 8:54

Nainappa nakkatenninni Yésus limanna iyaro ana'é sibawa makkeda, “Oto'na na'!”

YOHANES 11:43

Purana makkeda makkuwaro, gorani Yésus sibawa sadda battowa, “Lazarus, assuko!”

YOHANES 17:2

Ambo'é pura mabbéréyangngi akuwasangngé ri sininna rupa tauwé lao ri Ana'é, kuwammengngi nabbéréyangngi atuwong mannennungengngé lao ri sininna tau iya nabbéréyangngé Ambo'é.

YOHANES 3:13

Dé' séddi tau pura ménré ri surugaé, ri lainnaé iya nonnoé ri linoé, iyanaritu Ana'na Tolinoé.

YOHANES 5:27

Purani nawéréng Ana'-Na ha' untu' madéléki, saba' Ana'na Tolinoé.

RIWAYA'NA RASUL-RASUL-E 14:10

nainappa makkeda sibawa sadda battowa, “Tettong lempuno!” Naluppe'na iyaro tauwé tettong nainappa joppa.

RIWAYA'NA RASUL-RASUL-E 5:31

Napurani riwéréng ri Allataala tudangeng sibawa akuwasang iya matanré selaku Pamimping sibawa Pappassalama'; kuwammengngi nariwéréng kasempatang bangsa Israélié untu' toba' polé ri dosa-dosana sibawa riyaddampengeng.

RIWAYA'NA RASUL-RASUL-E 9:34

Nakkeda Pétrus lao ri Enéas, “Enéas, Yésus Kristus pajjappako. Oto'no namupaccingiwi onrong atinrommu.” Iyatoro wettué naoto' Enéas.

RIWAYA'NA RASUL-RASUL-E 9:40

Nasuroni Pétrus massu maneng mennang, nainappa makkaluttu massempajang. Purairo mangobbini ri ujuna Dorkas nakkeda, “Tabita, oto'no!” Natimpa'ni matanna Dorkas, na wettunna naita Pétrus, tudanni.

WAHYU 1:13

Ri tengnga-tengngana sining ajé lampuéro tettongngi séddi tau iya paitaé pada-pada tolinoé. Pakéi jumba iya labbunaé lettu ri ajé. Ri aro-Na pakéi pattongko aro ulaweng.