LUKAS 5:22 - KITTA KAREBA MADECENG

²² Naissengngi Yésus pakkutanana mennang. Jaji makkedani, “Magi muwakkutana makkuwaro ri laleng atimmu?

LUKAS 5:22 ပူးပေါင်းရင်းမြစ်များ

1 TAWARIKH 28:9

Nainappa lao ri Salomo, makkedai Daud, “Ana'ku, sitinajai Allataala iya nasompaé ambo'mu, muwakuiwi selaku Allataalamu. Harusu'ko mattumani lao ri Aléna sibawa matinulu nenniya macenning ati. Saba' Naisseng manengngi pikkirangngé sibawa cinnana atitta. Rékko musappai, muruntu'i matu, iyakiya rékko musalaiwi, Nasampéyakko matu lettu mannennungeng.

MAZMUR 139:2

Muwisseng sininna pangkaukekku; Mupahangngi pikkirakku polé mabéla.

AMSAL 15:26

Nacéccé Puwangnge rancana iya majaé; iyakiya ada-ada iya makessingngé napésennangiwi atinna.

YESAYA 66:18

Uwisseng pikkiranna sibawa pangkaukenna mennang. Poléka untu' paddeppungengngi sining tau polé ri sininna bangsaé. Ri wettu maddeppungenna mennang, naitai matu akuwasak-Ku.

YEHEZKIEL 38:10

Makkedai Puwang Iya Pommatanré lao ri Gog, “Iyaro wettué mébbuko matu rancana iya majaé.

MATIUS 12:15

Naisseng Yésus makkedaé iyaro sining tau Farisié majai akkattana lao ri Aléna. Jaji Nasalaini onrongngéro namaéga tau maccowériwi. Nanapajjappai sininna tau malasaé.

MATIUS 12:25

Naissengngi Yésus pikkiranna sining tau Farisiéro. Jaji makkedani lao ri mennang, “Rékko séuwaé wanuwa tabbagéi ri laleng golongang-golongang iya sisullé simusu, dé' natahang matu iyaro wanuwaé. Na séddié kota iyaré'ga kaluwarga iya tabbagé-bagé sibawa simusu séddié sibawa laingngé ancuru' matu paggangkanna.

MATIUS 9:4

Naissengngi Yésus pikkiranna mennang, jaji makkedai, “Magi namaja makkuwaro pikkirammu?

MARKUS 8:17

Naissengngi Yésus aga napersoalkang mennang. Rimakkuwannanaro makkedai lao ri mennang, “Magi mupersoalkangngi dé' muwappunnai roti? Dé'ga muwissengngi sibawa dé'paga mupahangngi? Magi namakunru makkuwaro pikkirammu?

LUKAS 24:38

Iyakiya makkedai Yésus, “Magi mumétau? Magi naompo abata-batangngé ri laleng atimmu?

LUKAS 5:21

Sining guru agamaé sibawa sining tau Farisié mammulani makkeda séddié lao ri laingngé, “Niga iyaé tauwé nabarani cellai Allataala? Niga wedding maddampengengngi dosaé, rilainnaé Allataala?”

LUKAS 5:23

Kéga lebbi gampang makkeda, ‘Riyaddampengenni dosamu’, iyaré'ga makkeda, ‘Oto'no namujoppa!’

RIWAYA'NA RASUL-RASUL-E 5:3

Nakkeda Pétrus lao ri aléna, “Ananias, magi muleppessangngi Ibillisi'é makuwasaiwi atimmu, angkanna mabbelléko lao ri Rohna Allataala, namuwammekko-mekkorengngi taroi saisa' dowi ellinna tanaéro?

IBRANI 4:12

Ada-adanna Allataala iyanaritu ada-ada iya tuwoé sibawa mawatang; lebbi tarengngi naiya peddang matareng walié. Iyaro ada-adaé mattoddo'i narapi pakkasésénna nyawaé sibawa roh-é; narapi pakkasésénna padduppa-duppangngé sibawa uta'na buku-bukué, angkanna naisseng silamul-lamunna pikkirang sibawa niya' atinna rupa tauwé.

WAHYU 2:23

Sining iya maccowériyéngngi maélo tok-Ka mpunoi kuwammengngi sininna jema'é namaingekiwi makkedaé Iyya'naé iya mpellungiyéngngi pikkiranna sibawa atinna tolinoé. Iko maneng maélo-Ka mpale'i situru pangkaukemmu tungke'-tungke'.