LUKAS 5:21 - KITTA KAREBA MADECENG

²¹ Sining guru agamaé sibawa sining tau Farisié mammulani makkeda séddié lao ri laingngé, “Niga iyaé tauwé nabarani cellai Allataala? Niga wedding maddampengengngi dosaé, rilainnaé Allataala?”

LUKAS 5:21 ပူးပေါင်းရင်းမြစ်များ

MAZMUR 103:3

Aléna iya maddampengengngéngngi sininna dosamu, iya pajjappaéngngi sininna lasamu.

MAZMUR 130:4

Iyakiya Mupoji maddampeng, kuwammengngi namancaji mateppe tauwé.

MAZMUR 32:5

Nainappa uwangakui dosaku lao ri Iko, dé'gaga usubbu asalakku. Upettuini untu' mangakuiwi lao ri Iko, sibawa Muwaddampengengngi sininna dosaku.

MAZMUR 35:5

Leppessangngi mennang rilellung ri malaéka'na Puwangnge, pada-pada awang towa nassiyamporengngé anging.

YESAYA 1:18

Makkedai Puwangnge, “Laono mai tapuraiwi iyaé parakaraé. Namuni malango-langoko nasaba dosa-dosamu, Ubissaiko matu mancaji maputé mapaccing pada-pada ape'é. Namuni maégai dosa-dosamu sibawa matane, Uwaddampengekko matu sibawa sukku.

YESAYA 43:25

Iyakiya Iyya Allataala iya leddaéngngi dosamu, Uwaddampengekko nasaba makkuwaniro sipa'-Ku; dé' uwéngngerangngi dosamu.

YESAYA 44:22

Ulellungngi asalammu pada-pada ellungngé, Upaddésu'i dosamu pada-pada saléwué. Lisuno ri Iyya, saba' purano Upaleppe!”

DANIEL 9:19

Puwang, éngkalingaki, addampengekki, jampangiki sibawa tinda'ni masitta! Aja'na taccana-cana, kuwammengngi naissengngi sininna tauwé makkedaé Iko ritu Allataala. Saba' Yérusalém sibawa umma'-Mu iyanaritu appunnangem-Mu iya dé'é padanna.”

DANIEL 9:9

Penno-Ko paddampeng sibawa paressé babuwa, namuni puraki méwa-Ko.

ANGIMANGENG 24:16

sibawa rihukkung maté. Nigi-nigi tanroiwi Puwangnge harusu'i rigenrung batu gangka maté risininna jema'é. Iyaro hukkungngé takkennai untu' tau Israélié iyaré'ga untu' tau laing iya mattette'énna ri Israél.

MIKHA 7:19

Maressési-Ko matu lao ri idi sibawa maddampengekki. Muléjja'-léjja'i matu dosa-dosata sibawa Muwaggenrungengngi lao ri borina tasi'é!

MATIUS 26:65

Nasapé'-sapé'ni pakéyanna iyaro imang lompoé, nanakkeda, “Napakatunai Allataala! Dé'na naparelluki sabbi. Alémuna méngkalinga manengngi ada-ada iya pakatunaéngngi Allataala.

MATIUS 9:3

Siyagangngaré guru-guru agama iya engkaé kuwaro makkeda ri laleng atinna, “Iyaé tauwé napakatunai Allataala!”

LUKAS 3:8

Appaitanni ri laleng pangkaukemmu makkedaé toba'no polé ri dosa-dosamu! Aja' muwakkeda makkedaé Abraham iyanaritu néné-nénému. Engngerangngi! Polé ri batu-batuéwé, naulléi Allataala pinru wija-wijanna untu' Abraham!

LUKAS 5:17

Riséuwaé esso wettunna Yésus mattengngang mappagguru, engka siyagangngaré tau Farisi sibawa guru-guru agama tudang kuwaro. Poléi mennang ri Yérusalém, sibawa ri kota-kotaé ri Galiléa enrengngé Yudéa. Akuwasanna Puwangngé engkai ri Yésus untu' pajjappai sining tau malasaé.

LUKAS 5:22

Naissengngi Yésus pakkutanana mennang. Jaji makkedani, “Magi muwakkutana makkuwaro ri laleng atimmu?

LUKAS 7:49

Sining tau laingngé iya tudangngé manré sibawa Yésus mammulani makkeda séddié lao ri laingngé, “Niga iyaé tauwé naweddingngi maddampengengngi dosaé?”

YOHANES 10:33

Nappébali sining tau Yahudié, “Tenniya nasaba jama-jamammu iya makessingngéro namaéloki genruk-Ko batu, iyakiya nasaba Mupakatunai Allataala. Iko séddiko tolino, namumaélo pancajiwi alé-Mu Allataala.”

ROMA 8:33

Nigana mulléi lura'ki umma' puraé ripilé ri Allataala, rékko aléna Allataala pura pannessai makkedaé dé' tappasala?