LUKAS 5:20 - KITTA KAREBA MADECENG

²⁰ Wettunna naita Yésus pékkugi rajanna teppe'na mennang, makkedani Aléna lao ri tauwéro, “Eh silessureng, riyaddampengenni dosamu.”

LUKAS 5:20 ပူးပေါင်းရင်းမြစ်များ

KAJAJIYANG 22:12

Nakkeda Puwangnge naolai malaéka'éro, “Aja' mupeddiriwi iyaro ana'é iyaré'ga magagai. Uwissenni makkekkuwangngé makkedaé mappakalebbiko sibawa turu lao ri Iyya, nasaba dé' musampéyangngi untu' mabbéréyangngi ana'mu iya tungke''éro lao ri Iyya.”

YESAYA 38:17

Apeddirekku tappinrai matu mancaji atennangeng, Mupassalama'ka polé ri bahayaé; pura manenni Muwaddampengeng dosa-dosaku.

MATIUS 9:2

Nanatiwina tauwé kuwaro ri Aléna séddi tau péso' iya léwué ri onrong atinrongngé. Wettunna Yésus naita battowana teppe'na sining tauwéro, makkeda-Ni ri tau péso'éro, “Sabbara'ko ana'-Ku! Riyaddampengenni dosa-dosamu.”

MATIUS 9:5

Kéga lebbi gampang: powadai, ‘Riyaddampengenni dosamu’, iyaré'ga powadai, ‘Oto'no namujoppa?’

MARKUS 2:5

Wettunna naita Yésus pékkugi rajanna teppe'na mennang, makkedani lao ri tau péso'éro, “Ana'-Ku, riyaddampengenni dosa-dosamu.”

LUKAS 7:48

Nakkeda Yésus lao ri makkunraiéro, “Riyaddampengenni dosa-dosamu.”

YOHANES 2:25

Dé' naparellu tauwé mabbéré pappakatajang lao ri Aléna passalenna nigi-nigi, saba' aléna missengngi aga iya engkaé ri laleng atinna rupa tauwé.

YOHANES 5:14

Nainappa Yésus siruntu iyaro tauwé ri laleng Bolana Puwangngé, nakkeda lao ri tauwéro, “Makkekkuwangngé majjappano. Aja'na mumadosasi, kuwammengngi aja' mupéneddingiwi iya lebbi majaé.”

RIWAYA'NA RASUL-RASUL-E 11:23

Na wettunna Barnabas lettu kuwaro, sibawa naitana pékkugi Allataala pura barakkakiwi sining tauwéro, marennu senna'ni. Nanaéllauni kuwammengngi nattonget-tongeng matinulu lao ri Puwangngé sibawa sukku atinna.

RIWAYA'NA RASUL-RASUL-E 14:9

Iyaro tauwé tudangngi kuwaro méngkalingai Paulus mabbicara. Naitai Paulus makkedaé iyaro tauwé mateppe'i narimakkuwannanaro weddingngi ripajjappa. Naitani Paulus

2 KORINTUS 2:10

Rékko muwaddampengengngi tau iya puraé pogau' asalang lao ri iko, na iyya uwaddampengeng towi iyaro tauwé. Saba' aga iya puraé uwaddampengeng – rékko mémeng engka parellu riyaddampengeng – iyaro uwaddampengengngi ri yolona Kristus untu' adécéngemmu.

KOLOSE 3:13

Harusu'ko sabbara séddié lao ri laingngé, sibawa sisullé siyaddampengeng rékko engka maélo makkabale lao ri laingngé. Masennangngi atinna Puwangngé maddampengengngekko, jaji harusu tokko maélo maddampengengngi séddié sibawa laingngé.

YAKOBUS 2:18

Naullé engka makkeda, “Engka tau iya sanréé ri teppe'na engkato iya sanréé ri pangkaukenna.” Ubaliwi matu, “Jellokekka pékkugi tauwé naulléi mappunnai teppe' temmappangkaukeng na uwajjellokengngi matu sibawa pangkaukeng makkedaé mappunnaika teppe'.”