LUKAS 5:2 - KITTA KAREBA MADECENG

² Naitani Yésus engka duwa lopi ri wirinnaro; sining pakkajana nonnoni polé ri lopiéro namattengngang bissaiwi jalana.

LUKAS 5:2 ပူးပေါင်းရင်းမြစ်များ

MATIUS 4:18

Wettunna Yésus mattengngang joppa ri wirinna Tappareng Galiléa, mitani duwa pakkaja, iyanaritu Simon (iya riyasengngétto Pétrus) sibawa anrinna, Andréas. Mattengngangngi mennang mattikkeng balé ri tapparengngéro sibawa jala.

MATIUS 4:21

Joppani Yésus matteru, nainappa naitasi duwa tau massilessureng laingngé, iyanaritu Yakobus sibawa Yohanés, ana'-ana'na Zébédéus. Silaongngi mennang ambo'na mattengngang padécéngiwi jalana ri laleng lopinna. Riyobbi towi mennang ri Yésus,

MARKUS 1:16

Wettunna Yésus joppa ri wirinna Tappareng Galiléa, Naitani duwa pakkaja, iyanaritu Simon sibawa Andréas anrinna. Mattengngangngi mennang jala.

MARKUS 1:19

Joppani matteru Yésus, naitasi duwa tau massilessureng laingngé, iyanaritu Yakobus sibawa Yohanés, ana'-ana'na Zébédéus. Engkai mennang ri lopié, pedécéngiwi jalana.

LUKAS 5:1

Riséuwaé wettu, tettongngi Yésus ri wirinna Tappareng Génésarét. Maéga tau siredde-redde untu' méngkalingai karéba polé ri Allataala.

LUKAS 5:3

Naénré'na Yésus risala séddinna iyaro sining lopié, iyanaritu lopinna Simon, nainappa nasuro Simon sorongngi iyaro lopinna mabéla céddé polé ri wiring. Natudanna Yésus ri laleng lopiéro, nanapaggurui tau maégaé.

YOHANES 1:40

Sala séddinna polé ri Iya duwa tau iya puraé méngkalingai aga napowada Yohanés nainappa lao maccowériwi Yésus, iyanaritu Andréas, silessurenna Simon Pétrus.