LUKAS 5:17 - KITTA KAREBA MADECENG

¹⁷ Riséuwaé esso wettunna Yésus mattengngang mappagguru, engka siyagangngaré tau Farisi sibawa guru-guru agama tudang kuwaro. Poléi mennang ri Yérusalém, sibawa ri kota-kotaé ri Galiléa enrengngé Yudéa. Akuwasanna Puwangngé engkai ri Yésus untu' pajjappai sining tau malasaé.

LUKAS 5:17 ပူးပေါင်းရင်းမြစ်များ

MATIUS 11:5

Makkita tau butaé, joppa tau péso'é, majjappa tau malasa oli iya mappakatau-taué; maréngkalinga tau mataru-tarué, tuwo tau maté, sibawa Karéba Madécéng polé ri Allataala riyabbirittang lao ri tau kasiyasié.

MATIUS 15:1

Engka sikalompo' tau Farisi sibawa siyagangngaré guru agama polé ri Yérusalém lao ri Yésus. Makkutanai mennang ri Yésus,

MARKUS 1:45

Iyakiya iyaro tauwé laoni, sibawa matteru-terui nacurita kajajiyangngéro kégi-kégi, angkanna dé'na naulléi Yésus muttama' ri kotaé sibawa mannessa-nessa. Ri saliweng kota bawang monro ri onrong-ngonrong masino-sinoé. Iyakiya matteru-teru mupi tauwé lao ri Aléna polé kégi-kégi.

MARKUS 16:18

Rékko makkatenningngi mennang ula iyaré'ga minung racung, dé' nalolongeng mennang abala. Rékko napalénne'i limanna ri yasé'na sining tau iya malasaé, majjappai matu iyaro sining tauwé.”

MARKUS 3:22

Makkedani guru-guru agamaé iya polé ri Yérusalém, “Nauttamakiwi Béélzébul! Kapalana sining sétangngéro mpéréngngi akuwasang untu' paddésu'i sétangngé.”

MARKUS 5:30

Iyatoro wettué napérasai Yésus makkedaé engka awatangeng massu polé ri Aléna. Nagilinna lao ri tau maégaéro sibawa makkutana, “Niga géssai jumba-Ku?”

MARKUS 7:1

Engka sikalompo' tau Farisi sibawa siyagangngaré guru agama polé ri Yérusalém, lao ri Yésus.

LUKAS 15:2

Sining tau Farisié sibawa guru-guru agamaé mammulani mannoko'-noko'. Makkedai mennang, “Cih, iyaé tauwé natarimai sining tauwé iya dé'é namakessing sibawa mala manréi sisama mennang!”

LUKAS 2:46

Genne'nana tellungngesso massappa, naruntu'ni mennang ri laleng Bolana Puwangngé. Tudat-tudangngi méngkalingai sining guru agamaé sibawa passu pakkutana-pakkutana.

LUKAS 5:21

Sining guru agamaé sibawa sining tau Farisié mammulani makkeda séddié lao ri laingngé, “Niga iyaé tauwé nabarani cellai Allataala? Niga wedding maddampengengngi dosaé, rilainnaé Allataala?”

LUKAS 5:30

Engka siyagangngaré tau Farisi sibawa guru-guru agama dé' namasennang, nanakkeda ri ana'-ana' gurunna Yésus, “Magi mumanré ménung maneng sibawa passinge' simaé sibawa sining tau dé'é namakessing?”

LUKAS 6:19

Sininna tauwé makkuragani untu' karawai Yésus, nasaba engka akuwasang massu polé ri Aléna iya pajjappa manengngéngngi mennang.

LUKAS 7:30

Iyakiya sining tau Farisié sibawa guru-guru agamaé dé' namaélo tarimai rencanana Allataala untu' aléna mennang. Dé' namaélo mennang ricemmé ri Yohanés.

LUKAS 8:46

Nakkeda Yésus, “Iyakiya engka tau géssaka. Uwisseng saba' engka awatangeng massu polé ri Iyya.”

YOHANES 3:10

Nappébali Yésus, “Na guruko ri Israél; masa' dé' muwissengngi?

YOHANES 3:21

Iyakiya tau iya pogau'éngngi élona Allataala, laowi ri tajangngé kuwammengngi namanessa makkedaé aga napogau' iyanaritu siturui élona Allataala.

RIWAYA'NA RASUL-RASUL-E 19:11

Napogau'i Allataala gau'-gau' iya dé'é gaga padanna naolai Paulus.

RIWAYA'NA RASUL-RASUL-E 4:30

Wérénni pattulum-Mu kuwammengngi naripajjappa tau malasaé sibawa gau'-gau' makalallaingngé enrengngé gau'-gau' dé'é padanna kajajiyangngi naolai akuwasang sibawa awatangeng polé ri asenna Yésus, Atam-Mu mapaccingngéro.”

RIWAYA'NA RASUL-RASUL-E 5:34

Iyakiya ri yelle'na sining anggotana mahkamaé engka séddi tau Farisi riyaseng Gamaliél. Guru agama iya ripakalebbi senna'é ri sininna tauwé. Tettonni nainappa nasuro tauwé tiwii massu iyaro rasul-rasul-é cinampe'.