LUKAS 5:14 - KITTA KAREBA MADECENG

¹⁴ Nainappa nattéyang Yésus iyaro tauwé curitai gau'éro lao ri nigi-nigi, adan-Na, “Laono ri imangngé, namuwéllauwi untu' pattentui makkedaé majjappano. Nainappako lao makkasuwiyangeng akkarobangeng pada-pada iya napparéntangngé Musa, selaku butti lao risining tauwé makkedaé tonget-tongenno majjappa.”

LUKAS 5:14 ပူးပေါင်းရင်းမြစ်များ

ANGIMANGENG 13:2

Rékko séddié tau mappunnai betti-betti, iyaré'ga lettang iyaré'ga betti-betti ri olina iya weddingngé mancaji lasa oli iya mabbahayaé, harusu'i ritiwi ri imang wija-wijanna Harun.

ANGIMANGENG 13:49

natappana iyaro matabu'é manyila-nyilai iyaré'ga macella'i, iyaro atabukengngé iyanaritu iya tattale'é, naharusu'i riyappaitang ri imangngé.

MATIUS 10:18

Ritiwiko matu ri yolona panguwasa-panguwasaé sibawa sining arungngé nasaba maccowéko ri Iyya. Na iyanaro kasempatammu mabbéré asabbiyang passalenna alé-Ku lao ri mennang sibawa risining tau dé'é naissengngi Allataala.

MATIUS 12:16

Iyakiya nattéyangngi mappaissengengngi passalenna Aléna lao ri tau laingngé.

MATIUS 8:4

Nakkeda Yésus lao ri aléna, “Engngerangngi! Aja' mucuritai lao ri nigi-nigi. Iyakiya laoko ri imangngé, namuwéllauwi untu' pattentui makkedaé majjappano. Purairo akkasuwiyangenno akkarobangeng iya napparéntangngé Musa, selaku butti lao ri tauwé makkedaé tonget-tongenno majjappa!”

MATIUS 9:30

Naweddinna makkita mennang. Riparéngngerangini mennang ri Yésus sibawa matedde kuwammengngi aja' nappaissengengngi iyaro gau'é lao ri nigi-nigi.

MARKUS 1:44

“Jaga-jagako, aja' mucuritai lao ri nigi-nigi, iyakiya laoko ri imangngé, namuwéllauwi untu' pattentui makkedaé majjappano. Nainappa untu' ajjappammuro, akkasuwiyangekko akkarobangeng situru napparéntangngé Musa, selaku butti lao risining tauwé makkedaé tonget-tongenno majjappa.”

MARKUS 6:11

Iyakiya rékko lettu'ko riséddié onrong, nasining tauwé kuwaro dé' namaélo tarimako sibawa méngkalingako, salaiwi iyaro onrongngé. Namuwakkeppikengngi awué ri ajému selaku papparéngngerang lao ri mennang!”

LUKAS 17:14

Wettunna Yésus naita mennang, makkedani, “Laono risining imangngé, éllauwi mennang paréssai watakkalému.” Ri wettu joppana mennang, teddénni lasana mennang.

LUKAS 5:13

Nakarawani Yésus iyaro tauwé nakkedato, “Upuwéloi, ajjappano!” Iyatoro wettué najjappa lasana.

LUKAS 9:5

Nakégi-kégi dé' naritarimako, wettunna musalai kotaéro, akkeppiyangngi awué ri palakajému, selaku papparéngngerang lao ri mennang.”