LUKAS 5:13 - KITTA KAREBA MADECENG

¹³ Nakarawani Yésus iyaro tauwé nakkedato, “Upuwéloi, ajjappano!” Iyatoro wettué najjappa lasana.

LUKAS 5:13 ပူးပေါင်းရင်းမြစ်များ

KAJAJIYANG 1:3

Nakkedana Allataala, “Ancajino tajang!” Naengkana tajangngé.

KAJAJIYANG 1:9

Nanakkeda Allataala, “Sitinajai sininna uwai iya engkaé ri yawana langié maddeppungengngi riséddié onrong, kuwammengngi napaita tanaé.” Nakajajiyanna gau'éro.

2 ARUNG-NGARUNG 5:10

Suroni Elisa séddi pattumani untu' makkeda makkuwaé lao ri Naaman, “Laoki Puwang cemmé wékkapitu ri Salo Yordan, namajjappa siseng matti Puwang.”

2 ARUNG-NGARUNG 5:14

Rimakkuwannanaro laoni Naaman ri Salo Yordan, nanauttama sibawa patallemme'i aléna ri laleng saloéro wékkapitu pada-pada iya nassurowangngé Elisa. Nanajjappana Naaman. Madisinni watakkaléna paimeng pada-pada watakkaléna kalloloé.

MAZMUR 33:9

Saba' makkeda-adai, Naripancaji maneng; Namabbéréi parénta, naengka maneng.

YEHEZKIEL 36:29

Upaleppe'ko matu polé ri sininna acarépammu. Uparéntangngi matu gandongngé kuwammengngi natuwo sibawa macommo angkanna dé'na naengka nakennako akkadéreng.

HOSEA 14:4

Dé' naulléi matu Asyur passalama'ki, sibawa anyarang pammusué dé' naulléi tulukki. Dé'na namakkeda matu lao ri dato'-dato' ébbuta makkedaé mennang Allataalata. Oh Puwang, tamaséiwi sining tau iya dé'é nappunnai niga-niga iya weddingngé mennang nattuwang.”

MATIUS 8:3

Nakarawani Yésus iyaro tauwé, namakkedato, “Uwéloriwi. Ajjappano!” Iyatoro wettué najjappa lasana.

LUKAS 4:39

Nalaona Yésus ri onrong atinronna makkunraiéro, napaddésu'i iyaro semmengngé. Nasorona iyaro semmengngé, naoto'na matuwa makkunrainna Simon nanatumaningiwi mennang.

LUKAS 5:12

Riséuwaé esso engkai Yésus riséuwaé kota. Kuwaro engka séddi worowané iya pennoé watakkaléna sibawa lasa oli mappakatau-taué. Wettunna naita Yésus, suju'ni ri yolo-Na maréllau, “Pa', rékko taéloriwi Bapa', taullé pajjappaka' Bapa'!”

LUKAS 5:14

Nainappa nattéyang Yésus iyaro tauwé curitai gau'éro lao ri nigi-nigi, adan-Na, “Laono ri imangngé, namuwéllauwi untu' pattentui makkedaé majjappano. Nainappako lao makkasuwiyangeng akkarobangeng pada-pada iya napparéntangngé Musa, selaku butti lao risining tauwé makkedaé tonget-tongenno majjappa.”