LUKAS 5:12 - KITTA KAREBA MADECENG

¹² Riséuwaé esso engkai Yésus riséuwaé kota. Kuwaro engka séddi worowané iya pennoé watakkaléna sibawa lasa oli mappakatau-taué. Wettunna naita Yésus, suju'ni ri yolo-Na maréllau, “Pa', rékko taéloriwi Bapa', taullé pajjappaka' Bapa'!”

LUKAS 5:12 ပူးပေါင်းရင်းမြစ်များ

KAJAJIYANG 18:14

Engkaga iya mustahélé'é untu' Puwangnge? Pada-pada puraé Upowada onna, asérapi Ulenna naulisu paimeng kuwaé. Na iyaro wettué jajiyangngi matu Sara ana' worowané.”

1 ARUNG-NGARUNG 18:39

Wettuna naita ra'ya'é gau'éro makkaluttuni ri tanaé namakkeda, “Puwang-ngéro Allataala! Tongeng Puwang-ngéro Allataala!”

2 ARUNG-NGARUNG 5:1

Naaman iyanaritu pallima tentarana Siria iya ripoji senna'é sibawa riyangke ri arung Siria. Saba' naolai Naaman, mabbéréi Puwangnge apakalang lao ri tentara Siriaé. Naaman iyanaritu séddiwi pallima iya poré, iyakiya malasa olii iya mappakatau-taué.

2 ARUNG-NGARUNG 5:27

Nasaba mutarimai iyaro pabbéré, mutarima towi matu lasana Naaman. Mala untu' mannennungeng muwi wija-wijammu lolongeng towi matu iyaro lasaé!” Wettunna massu Géhazi polé kuwaro, lolongenni lasa oli – mancaji maputé senna'ni olina.

2 ARUNG-NGARUNG 7:3

Iyaro essoé eppa tau malasa oli iya mappakatau-taué engkai ri saliwenna pintu gerbanna Samaria. Makkedai séddié lao ri laingngé, “Aga akkégunanna tudat-tudakki kuwaé tajengngi amatétta?

1 TAWARIKH 21:16

Naitai Daud iyaro malaéka'é sajang ri pallawangenna langié sibawa linoé. Nasibawang peddang ri limanna, iyaro malaéka'é sadiyani untu' paccappui Yérusalém. Na Daud sibawa sining pamimpinna ra'ya'é, iya wettuéro mattengngang mappakéyang karung tanrang massesse kalé, suju' ri tanaé.

MAZMUR 50:15

Angobbino ri Iyya ri wettu aperisengngé, Upaleppe'ko matu, namupoji-Ka matu.”

MAZMUR 91:15

Rékko mangobbii lao ri Iyya, Ubaliwi matu. Ri wettu aperisengngé, Utulungngi matu; Upaleppe'i matu sibawa Uwéréng alebbireng.

ASSURENG 4:6

Makkedasi paimeng Puwangnge lao ri Musa, “Puttama'i limammu ri laleng wajummu.” Naturusini Musa, na wettunna nagetteng massu limanna, iyaro limaé maputé senna'ni nasaba nakennai lasa oli iya mabbahayaé.

ANGIMANGENG 13:16

Iyakiya rékko iyaro boro mannanaé sauwi sibawa maputé paimeng, iyaro tauwé harusu'i mangolo ri imangngé

ANGIMANGENG 9:24

Tennasenna-sennana napanonnoi Puwangnge api iya tunuéngngi gangka cappu akkarobangeng ritunué sibawa sining bagiyanna iya mallunra'é ri yasé'na mézbaé, wettunna naita umma Israélié, gora-gorani mennang nainappa suju' massompa.

MATIUS 26:6

Wettunna Yésus engka ri Bétania, ri bolana Simon, iya nakennaé riyolo lasa oli iya mabbahayaé,

MATIUS 9:28

Wettunna Yésus muttama' ri lalempola, poléni iya duwa tau butaéro ri Aléna. Makkutanani Yésus ri mennang, “Mateppe'koga makkedaé Uwullé pajjappako?” Nappébali mennang, “Mateppe', Pa'!”

MARKUS 5:23

namasero paréllaunna, “Pa', malasa seroi ana' makkunraikku. Tulukka talao karawai, kuwammengngi najjappa nadé' namaté!”

LUKAS 17:16

Nasuju'na sibawa mattarima kasi ri yolona Yésus. Iyaro tauwé séddiwi tau Samaria.

LUKAS 5:13

Nakarawani Yésus iyaro tauwé nakkedato, “Upuwéloi, ajjappano!” Iyatoro wettué najjappa lasana.

ULANGENG 24:8

Rékko engka lasa oli iya mabbahayaé, pogau'i sibawa tonget-tongeng aga iya napparéntangngé imang Léwié lao ri iko; accowériwi panunju-panunju iya uwéréngngéngngi mennang.

IBRANI 7:25

Rimakkuwannanaro lettu mannennungeng naulléi Yésus passalama'i sining tau iya laowé ri Allataala naolai Aléna, saba' tuwoi mannennungeng untu' méllauwi ri Allataala untu' sining tauwéro.

YOSUA 5:14

Nappébali iyaro tauwé, “Tenniya rangeng, sibawa tenniyato bali. Laoka kuwaé selaku pallima tentarana Puwangnge.” Naéngkalinganaro masitta'ni Yosua suju' sompai iyaro tauwé. Makkedani Yosua, “Iyya'é atanna Puwang. Aga iya weddingngé upogau' untu' Puwang?”