LUKAS 5:10 - KITTA KAREBA MADECENG

¹⁰ Makkuwatoro sining sellaona Simon, iyanaritu Yakobus sibawa Yohanés, ana'-ana'na Zébédéus. Nakkeda Yésus lao ri Simon, “Aja' mumétau! Mappammulai makkekkuwangngé mancajiko matu pajjala tau.”

LUKAS 5:10 ပူးပေါင်းရင်းမြစ်များ

MATIUS 13:47

“Rékko mapparéntai Allataala, keadaanna riyakkalarapangengngi jala iya ripallebba'é ri tapparengngé, nalolongeng maddupa-rupang balé.

MATIUS 14:27

Iyakiya tappa mappébaliwi Yésus, “Tennakko! Iyya Yésus. Aja' mumétau!”

MATIUS 20:20

Napoléna bainéna Zébédéus sibawa ana'-ana'na ri Yésus. Suju'ni ri yolona Yésus untu' méllauwi anu séuwaé.

MATIUS 4:19

Nakkeda Yésus lao ri mennang, “Laono mai accowéno ri Iyya. Maélo-Ka pagguruko majjala tau.”

MATIUS 4:21

Joppani Yésus matteru, nainappa naitasi duwa tau massilessureng laingngé, iyanaritu Yakobus sibawa Yohanés, ana'-ana'na Zébédéus. Silaongngi mennang ambo'na mattengngang padécéngiwi jalana ri laleng lopinna. Riyobbi towi mennang ri Yésus,

MARKUS 1:17

Nakkeda Yésus lao ri mennang, “Accowéno ri Iyya. Maélo-Ka pagguruko majjala tau.”

LUKAS 5:7

Rimakkuwannanaro méllau tulunni mennang ri sellao-sellaona ri lopi laingngé. Poléni sining sellaona mennang lisekiwi iya duwa lopiéro penno sibawa balé angkanna maéloni tallemme' iyaro sining lopié.

LUKAS 5:9

Héranni Simon sibawa sininna tau iya naéwaé silaong mitai égana balé natikkeng mennang.

LUKAS 6:14

Simon (iya riyasengngétto Pétrus), sibawa Andréas silessurenna Simon; Yakobus sibawa Yohanés, Filipus sibawa Bartoloméus,

YOHANES 21:2

Riséuwaé esso, Simon Pétrus, Tomas iya riyobbié si Dénru, Natanaél polé ri Kana ri Galiléa, ana'-ana' Zébédéus, sibawa duwa ana' gurunna Yésus laingngé, mattengngang maddeppungeng.

RIWAYA'NA RASUL-RASUL-E 2:4

Rikuwasai manenni ri Rohna Allataala, sibawa mappammula mabbicara ri laleng maddupa-rupang basa laing. Mabbicarai mennang situru aga nabbéréyangngé iyaro Roh-é lao ri mennang untu' napowada.

2 KORINTUS 8:23

Passalenna Titus, iyanaritu sellaoku, iya uwéwaé sibawa majjama untu' bantuko. Na passalenna iya duwa saudaraé, passalenna iyaro, iya laowé silaong aléna, mennang iyanaritu tau iya risuroé ri jema'-jema'é sibawa mancajiwi arennutta lao ri Kristus.

2 TIMOTIUS 2:26

Nanallalengiro namainge' mennang paimeng, sibawa leppe' polé ri siyo-siyona Ibillisi' iya puraé tawangngi mennang sibawa passai mennang maccowériwi élona.